헬라어 문장 검색 - Πλυταρ́Σερτορί27́

(플루타르코스, Sertorius, chapter 27)

οἱ μὲν οὖν πλεῖστοι τῶν Ἰβήρων εὐθὺσ ᾤχοντο καὶ παρέδωκαν ἑαυτοὺσ ἐπιπρεσβευσάμενοι τοῖσ περὶ Πομπήϊον καὶ Μέτελλον τοὺσ δὲ συμμείναντασ ὁ Περπέννασ ἀναλαβὼν ἐπεχείρει τι πράττειν. χρησάμενοσ δὲ ταῖσ Σερτωρίου παρασκευαῖσ ὅσον ἐνασχημονῆσαι καὶ φανερὸσ γενέσθαι μήτε ἄρχειν μήτε ἄρχεσθαι πεφυκώσ, Πομπηϊῴ συνέβαλε· καὶ ταχὺ συντριβεὶσ ὑπ’ αὐτοῦ καὶ γενόμενοσ αἰχμάλωτοσ οὐδὲ τὴν ἐσχάτην ὑπέμεινε συμφορὰν ἡγεμονικῶσ, ἀλλὰ τῶν Σερτωρίου γραμμάτων κύριοσ γεγονώσ ὑπισχνεῖτο Πομπηϊῴ δείξειν ὑπατικῶν ἀνδρῶν καὶ μέγιστον ἐν Ῥώμῃ δυναμένων αὐτογράφουσ ἐπιστολάσ, καλούντων Σερτώριον εἰσ Ἰταλίαν, ὡσ πολλῶν ποθούντων τὰ παρόντα κινῆσαι καὶ μεταβαλεῖν τὴν πολιτείαν.

ἔργον οὖν ὁ Πομπήϊοσ οὐ νέασ φρενόσ, ἀλλ’ εὖ μάλα βεβηκυίασ καὶ κατηρτυμένησ ἐργασάμενοσ μεγάλων ἀπήλλαξε τὴν Ῥώμην φόβων καὶ νεωτερισμῶν, τὰσ μὲν γὰρ ἐπιστολὰσ ἐκείνασ καὶ τὰ γράμματα τοῦ Σερτωρίου συναγαγὼν ἅπαντα κατέκαυσεν οὔτε αὐτὸσ ἀναγνοὺσ οὔτε ἐάσασ ἕτερον·

αὐτὸν δὲ τὸν Περπένναν κατὰ τάχοσ ἀνεῖλε, φοβηθεὶσ μὴ τῶν ὀνομάτων ἐξενεχθέντων πρόσ τινασ ἀποστάσεισ καὶ ταραχαὶ γένωνται. τῶν δὲ τῷ Περπέννᾳ συνομοσαμένων οἱ μὲν ἐπὶ Πομπήϊον ἀναχθέντεσ διεφθάρησαν, οἱ δὲ φεύγοντεσ εἰσ Λιβύην ὑπὸ Μαυρουσίων κατηκοντίσθησαν.

διέφυγε δ’ οὐδεὶσ πλὴν Αὐφίδιοσ ὁ τοῦ Μαλλίου ἀντεραστήσ· οὗτοσ δὲ ἢ λαθὼν ἢ παραμεληθεὶσ ἔν τινι βαρβάρῳ κώμῃ πενόμενοσ καὶ μισούμενοσ κατεγήρασεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 27

(플루타르코스, Sertorius, chapter 27)

상위

목록

SEARCH

MENU NAVIGATION