Plutarch, Sertorius, chapter 24

(플루타르코스, Sertorius, chapter 24)

ταῦτα ἀπαγγελθέντα Μιθριδάτησ διὰ θάμβουσ ἐποιεῖτο· καὶ λέγεται μὲν εἰπεῖν πρὸσ τοὺσ φίλουσ· "τί δῆτα προστάξει Σερτώριοσ ἐν Παλατίῳ καθεζόμενοσ, εἰ νῦν εἰσ τὴν Ἀτλαντικὴν ἐξεωσμένοσ θάλασσαν ὁρ́ουσ ἡμῶν τῇ βασιλείᾳ τίθησι καὶ πειρωμένοισ Ἀσίασ ἀπειλεῖ πόλεμον; οὐ μὴν ἀλλὰ γίνονταί γε συνθῆκαι καὶ ὁρ́κοι, Καππαδοκίαν καὶ Βιθυνίαν ἔχειν Μιθριδάτην·

Σερτωρίου στρατηγὸν αὐτῷ καὶ στρατιώτασ πέμποντοσ, Σερτώριον δὲ παρὰ Μιθριδάτου λαβεῖν τρισχίλια τάλαντα καὶ τεσσαράκοντα ναῦσ. πέμπεται δὲ καὶ στρατηγὸσ εἰσ Ἀσίαν ὑπὸ Σερτωρίου τῶν ἀπὸ βουλῆσ πεφευγότων πρὸσ αὐτὸν Μᾶρκοσ Μάριοσ, ᾧ συνεξελών τινασ πόλεισ τῶν Ἀσιάδων ὁ Μιθριδάτησ εἰσελαύνοντι μετὰ ῥάβδων καὶ πελέκεων αὐτὸσ εἵπετο δευτέραν τάξιν καὶ σχῆμα θεραπεύοντοσ ἑκουσίωσ ἀνειληφώσ.

ὁ δὲ τὰσ μὲν ἠλευθέρου, ταῖσ δὲ ἀτέλειαν γράφων χάριτι Σερτωρίου κατήγγελεν, ὥστε τὴν Ἀσίαν αὖθισ ἐνοχλουμένην μὲν ὑπὸ τῶν τελωνῶν, βαρυνομένην δὲ ταῖσ πλεονεξίαισ καὶ ὑπερηφανίαισ τῶν ἐπισκήνων, ἀναπτοηθῆναι πρὸσ τὴν ἐλπίδα καὶ ποθεῖν τὴν προσδοκωμένην μεταβολὴν τῆσ ἡγεμονίασ.

일치하는 문장이 없습니다.

SEARCH

MENU NAVIGATION