헬라어 문장 검색 - Πλυταρ́Σερτορί22́

(플루타르코스, Sertorius, chapter 22)

ἐδήλωσε δὲ καὶ Μέτελλοσ ἐκπεπληγμένοσ τὸν ἄνδρα καὶ μέγαν ἡγούμενοσ, ἐπεκήρυξε γὰρ, εἴ τισ αὐτὸν ἀνέλοι Ῥωμαῖοσ, ἑκατὸν ἀργυρίου τάλαντα δώσειν καὶ πλέθρα δισμύρια γῆσ· εἰ δὲ φυγάσ, κάθοδον εἰσ Ῥώμην, ὡσ ἀπογνώσει φανερᾶσ ἀμύνησ ὠνούμενοσ τὸν ἄνδρα διὰ προδοσίασ. ἔτι δὲ νικήσασ ποτὲ μάχῃ τὸν Σερτώριον οὕτωσ ἐπήρθη καὶ τὴν εὐτυχίαν ἠγάπησεν ὥστε αὐτοκράτωρ ἀναγορευθῆναι, θυσίαισ δ’ αὐτὸν αἱ πόλεισ ἐπιφοιτῶντα καὶ βωμοῖσ ἐδέχοντο.

λέγεται δὲ καὶ στεφάνων ἀναδέσεισ προσίεσθαι καὶ δείπνων σοβαρωτέρων ὑποδοχάσ, ἐν οἷσ ἐσθῆτα θριαμβικὴν ἔχων ἔπινε, καὶ Νῖκαι πεποιημέναι δι’ ὀργάνων ἐπιδρόμων χρύσεα τρόπαια καὶ στεφάνουσ διαφέρουσαι κατήγοντο, καὶ χοροὶ παίδων καὶ γυναικῶν ἐπινικίουσ ὕμνουσ ᾖδον εἰσ αὐτόν. ἐφ’ οἷσ εἰκότωσ ἦν καταγέλαστοσ, εἰ δραπέτην Σύλλα καὶ λείψανον τῆσ Κάρβωνοσ φυγῆσ ἀποκαλῶν τὸν Σερτώριον οὕτω κεχαύνωται καὶ περιχαρὴσ γέγονεν, ὑποχωρήσαντοσ αὐτοῦ περιγενόμενοσ.

ταμίασ τε καὶ στρατηγοὺσ ἐξ ἐκείνων ἀποδεικνύναι, καὶ πάντα τοῖσ πατρίοισ νόμοισ τὰ τοιαῦτα κοσμεῖν ἔπειτα τὸ χρώμενον ὅπλοισ καὶ χρήμασι καὶ πόλεσι ταῖσ Ἰβήρων μηδ’ ἄχρι λόγου τῆσ ἄκρασ ἐξουσίασ ὑφίεσθαι πρὸσ αὐτούσ, Ῥωμαίουσ δὲ καθιστάναι στρατηγοὺσ καὶ ἄρχοντασ αὐτῶν, ὡσ Ῥωμαίοισ ἀνακτώμενον τὴν ἐλευθερίαν, οὐκ ἐκείνουσ αὔξοντα κατὰ Ῥωμαίων.

καὶ γὰρ ἦν ἀνὴρ φιλόπατρισ καὶ πολὺν ἔχων ἵμερον τοῦ κατελθεῖν ἀλλὰ δυσπραγῶν μὲν ἠνδραγάθει καὶ ταπεινὸν οὐδὲν ἔπραττε πρὸσ τοὺσ πολεμίουσ, ἐν δὲ ταῖσ νίκαισ διεπέμπετο πρὸσ Μέτελλον καὶ πρὸσ Πομπήϊον ἕτοιμοσ ὢν τὰ ὅπλα καταθέσθαι καὶ βιοῦν ἰδιώτησ καθόδου τυχών μᾶλλον γὰρ ἐθέλειν ἀσημότατοσ ἐν Ῥώμῃ πολίτησ ἢ φεύγων τὴν ἑαυτοῦ πάντων ὁμοῦ τῶν ἄλλων αὐτοκράτωρ ἀναγορεύεσθαι.

λέγεται δὲ οὐχ ἥκιστα τῆσ πατρίδοσ ἐπιθυμεῖν διὰ τὴν μητέρα, τραφεὶσ ὀρφανὸσ ὑπ’ αὐτῇ καὶ τὸ σύμπαν ἀνακείμενοσ ἐκείνῃ, καλούντων δὲ τῶν περὶ τὴν Ἰβηρίαν φίλων αὐτὸν ἐφ’ ἡγεμονίᾳ, πυθόμενοσ τὴν τελευτὴν τῆσ μητρὸσ ὀλίγον ἐδέησεν ὑπὸ λύπησ προέσθαι τὸν βίον.

ἑπτὰ γὰρ ἡμέρασ οὔτε σύνθημα δοὺσ οὔτε ὀφθείσ τινι τῶν φίλων ἔκειτο, καὶ μόλισ οἱ συστράτηγοι καὶ ὁμότιμοι τὴν σκηνὴν περιστάντεσ ἠνάγκασαν αὐτὸν προελθόντα τοῖσ στρατιώταισ ἐντυχεῖν καὶ τῶν πραγμάτων εὖ φερομένων ἀντιλαμβάνεσθαι. διὸ καὶ πολλοῖσ ἔδοξεν ἥμεροσ ἀνὴρ φύσει γεγονὼσ καὶ πρὸσ ἡσυχίαν ἔχων ἐπιεικῶσ δι’ αἰτίασ παρὰ γνώμην ταῖσ στρατηγικαῖσ ἀρχαῖσ χρῆσθαι, καὶ μὴ τυγχάνων ἀδείασ, ἀλλὰ συνελαυνόμενοσ ὑπὸ τῶν ἐχθρῶν εἰσ τὰ ὅπλα φρουρὰν ἀναγκαίαν τοῦ σώματοσ περιβάλλεσθαι τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sertorius, chapter 22

(플루타르코스, Sertorius, chapter 22)

상위

목록

SEARCH

MENU NAVIGATION