Plutarch, Sertorius, chapter 21

(플루타르코스, Sertorius, chapter 21)

ἐν δὲ τοῖσ τῶν Σεγουντίνων πεδίοισ εἰσ τὰσ ἐσχάτασ ἀπορίασ κατακεκλεικὼσ τούσ πολεμίουσ, ἠναγκάσθη συμβαλεῖν αὐτοῖσ καταβαίνουσιν ἐφ’ ἁρπαγὴν καὶ σιτολογίαν. ἠγωνίσθη δὲ λαμπρῶσ παρ’ ἀμφοτέρων, καὶ Μέμμιοσ μὲν ὁ τῶν ὑπὸ Πομπηϊῴ στρατηγῶν ἡγεμονικώτατοσ ἐν τῷ καρτερωτάτῳ τῆσ μάχησ ἔπεσεν, ἐκράτει δὲ Σερτώριοσ καὶ φόνῳ πολλῷ τῶν ἔτι συνεστώτων ἐωθεῖτο πρὸσ αὐτὸν Μέτελλον. ὁ δὲ παρ’ ἡλικίαν ὑποστὰσ καὶ περιφανῶσ ἀγωνιζόμενοσ παίεται δόρατι.

τοῦτο τούσ μὲν ἰδόντασ τῶν Ῥωμαίων, τοὺσ δὲ ἀκούσαντασ αἰδὼσ ἔσχεν ἐγκαταλιπεῖν τὸν ἡγεμόνα, καὶ θυμὸσ ἅμα πρὸσ τούσ πολεμίουσ παρέστη. προθέμενοι δὲ τούσ θυρεοὺσ καὶ συνεξενεγκόντεσ εὐρώστωσ ἐξωθοῦσι τούσ Ἴβηρασ· καὶ γενομένησ οὕτω παλιντρόπου τῆσ νίκησ, ὁ Σερτώριοσ ἐκείνοισ τε φυγὰσ ἀδεεῖσ μηχανώμενοσ καὶ τεχνάζων ἑτέραν αὐτῷ δύναμιν συνελθεῖν ἐφ’ ἡσυχίασ, εἰσ πόλιν ὀρεινὴν καὶ καρτερὰν ἀναφυγὼν ἐφράγνυτο τὰ τείχη καὶ τὰσ πύλασ ὠχυροῦτο, πάντα μᾶλλον ἢ πολιορκίαν ὑπομένειν διανοούμενοσ, ἀλλ’ ἐξηπάτα τοὺσ πολεμίουσ·

ἐκείνῳ γὰρ προσκαθεζόμενοι καὶ τὸ χωρίον οὐ χαλεπῶσ λήψεσθαι προσδοκῶντεσ, τούσ τε φεύγοντασ τῶν βαρβάρων προϊέντο καὶ τῆσ ἀθροιζομένησ αὖθισ τῷ Σερτωρίῳ δυνάμεωσ ἠμέλησαν.

ἠθροίζετο δέ, πέμψαντοσ ἡγεμόνασ ἐπὶ τὰσ πόλεισ αὐτοῦ, καὶ κελεύοντοσ ὅταν ἤδη πολλοὺσ ἔχωσιν, ἄγγελον ἀποστεῖλαι πρὸσ αὐτόν. ἐπεὶ δὲ ἀπέστειλαν, σὺν οὐδενὶ πόνῳ διεκπαισάμενοσ τούσ πολεμίουσ συνέμιξε τοῖσ ἑαυτοῦ·

καὶ πάλιν ἐπῄει πολὺσ γεγονώσ καὶ περιέκοπτεν αὐτῶν τὴν μὲν ἀπὸ τῆσ γῆσ εὐπορίαν ἐνέδραισ καὶ κυκλώσεσι καὶ τῷ πανταχόσε φοιτᾶν ὀξὺσ ἐπιών, τὰ δ’ ἐκ θαλάττησ λῃστρικοῖσ σκάφεσι κατέχων τὴν παραλίαν, ὥστε ἠναγκάσθησαν οἱ στρατηγοὶ διαλυθέντεσ ὁ μὲν εἰσ Γαλατίαν ἀπελθεῖν, Πομπήϊοσ δὲ περὶ Βακκαίουσ διαχειμάσαι μοχθηρῶσ ὑπὸ ἀχρηματίασ, γράφων πρὸσ τὴν σύγκλητον ὡσ ἀπάξει τὸν στρατόν, εἰ μὴ πέμποιεν ἀργύριον αὐτῷ· καταναλωκέναι γὰρ ἤδη τὰ αὑτοῦ προπολεμῶν τῆσ Ἰταλίασ, καὶ πολὺσ ἦν οὗτοσ ἐν Ῥώμῃ λόγοσ, ὡσ Πομπηϊού πρότεροσ εἰσ Ἰταλίαν ἀφίξοιτο Σερτώριοσ· εἰσ τοσοῦτον τοὺσ πρώτουσ καὶ δυνατωτάτουσ τῶν τότε στρατηγῶν ἡ Σερτωρίου δεινότησ κατέστησεν.

일치하는 문장이 없습니다.

SEARCH

MENU NAVIGATION