호흡부호 보기
강세부호 보기
장단부호 보기
작은 Iota 보기
모든 부호 보기
ἧτται μὲν οὖν τῷ Σερτωρίῳ πλείονεσ συνέβαινον, αὑτὸν μὲν ἀήττητον ἀεὶ φυλάττοντι καὶ τοὺσ καθ’ αὑτόν, θραυομένῳ δὲ περὶ τοὺσ ἄλλουσ ἡγεμόνασ· ἐκ δὲ ὧν ἐπηνωρθοῦτο τὰσ ἥττασ μᾶλλον ἐθαυμάζετο νικώντων τῶν ἀντιστρατήγων, οἱο͂ν ἐν τῇ περὶ Σούκρωνι μάχῃ πρόσ Πομπήϊον, καὶ πάλιν ἐν τῇ περὶ Τουρίαν πρόσ τε τοῦτον ὁμοῦ καὶ Μέτελλον. ἡ μὲν οὖν περὶ Σούκρωνι μάχη λέγεται γενέσθαι τοῦ Πομπηϊού κατεπείξαντοσ, ὡσ μὴ μετάσχοι τῆσ νίκησ Μέτελλοσ.
ὁ δὲ Σερτώριοσ ἐβούλετο μὲν τῷ Πομπηϊῴ, πρὶν ἐπελθεῖν τὸν Μέτελλον, διαγωνίσασθαι, παραγαγὼν δὲ ἑσπέρασ ἤδη συνέβαλεν, οἰόμενοσ ξένοισ οὖσι καὶ ἀπείροισ τῶν χωρίων τοῖσ πολεμίοισ τὸ σκότοσ ἔσεσθαι καὶ φεύγουσιν ἐμπόδιον καὶ διώκουσι. γενομένησ δὲ τῆσ μάχησ ἐν χερσίν ἔτυχε μὲν οὐ πρόσ Πομπήϊον αὐτόσ, ἀλλὰ πρόσ Ἀφράνιον ἐν ἀρχῇ συνεστηκώσ ἔχοντα τὸ ἀριστερόν, αὐτὸσ ἐπὶ τοῦ δεξιοῦ τεταγμένοσ, ἀκούσασ δὲ τῷ Πομπηϊῴ τοὺσ συνεστῶτασ ὑποχωρεῖν ἐγκειμένῳ καὶ κρατεῖσθαι, τὸ μὲν δεξιὸν ἐπ’ ἄλλοισ ἐποιήσατο στρατηγοῖσ, πρόσ δὲ ἐκεῖνο τὸ νικώμενον αὐτὸσ ἐβοηδρόμει.
καὶ τοὺσ μὲν ἤδη τρεπομένουσ τοὺσ δὲ ἔτι μένοντασ ἐν τάξει συναγαγὼν καὶ ἀναθαρρύνασ, ἐξ ὑπαρχῆσ ἐνέβαλε τῷ Πομπηϊῴ διώκοντι, καὶ φυγὴν ἐποιήσατο πολλήν, ὅτε καὶ Πομπήϊοσ ἐγγὺσ ἐλθὼν ἀποθανεῖν καὶ τραυματισθείσ παραλόγωσ διέφυγεν.
οἱ γὰρ μετὰ Σερτωρίου Λίβυεσ, ὡσ ἔλαβον αὐτοῦ τὸν ἵππον χρυσῷ κεκοσμημένον καὶ φαλάρων ἀνάπλεων πολυτελῶν, ἐν τῷ διανέμεσθαι καὶ διαφέρεσθαι πρόσ ἀλλήλουσ προήκαντο τὴν δίωξιν. Ἀφράνιοσ δὲ τοὺσ ἀνθεστῶτασ πρόσ αὑτὸν ἅμα τῷ Σερτώριον ἀπελθεῖν ἐπὶ θάτερα βοηθοῦντα τρεψάμενοσ εἰσ τὸ στρατόπεδον κατήραξε·
καὶ συνεισπεσὼν ἐπόρθει σκότουσ ἤδη ὄντοσ, μήτε τὴν Πομπηϊού φυγὴν εἰδώσ μήτε τοὺσ στρατιώτασ τῆσ ἁρπαγῆσ ἐπισχεῖν δυνάμενοσ, ἐν τούτῳ δὲ Σερτώριοσ ἀνέστρεψε τὸ καθ’ αὑτὸν νενικηκώσ· καὶ τοῖσ Ἀφρανίου δι’ ἀταξίαν ταρασσομένοισ ἐπιπεσών πολλοὺσ διέφθειρε. "ἀλλ’ ἔγωγε τὸν παῖδα τοῦτον, εἰ μὴ παρῆν ἡ γραῦσ ἐκείνη, πληγαῖσ ἂν νουθετήσασ εἰσ Ῥώμην ἀπεστάλκειν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기