Plutarch, Sertorius, chapter 18 3:

Σερτωρίου γὰρ πολιορκοῦντοσ αὑτοὺσ ἧκε Πομπήϊοσ πανστρατιᾷ βοηθήσων εἶτα ὁ μὲν λόφον εὖ δοκοῦντα πεφυκέναι κατὰ τῆσ πόλεωσ προληψόμενοσ, ὁ δὲ τοῦτο κωλύσων ἠπείγετο. τοῦ δὲ Σερτωρίου φθάσαντοσ ἐπιστήσασ τὸν στρατὸν ὁ Πομπήϊοσ ἔχαιρε τῇ συντυχίᾳ, νομίζων ἐν μέσῳ τῆσ πόλεωσ καὶ τῆσ αὐτοῦ στρατιᾶσ ἀπειλῆφθαι τὸν Σερτώριον καὶ πρὸσ τοὺσ Λαυρωνίτασ εἰσέπεμψε θαρρεῖν κελεύων καὶ καθῆσθαι περὶ τὰ τείχη θεωμένουσ πολιορκούμενον Σερτώριον.