Plutarch, Sertorius, chapter 18 1:

μέχρι μὲν οὖν τοῖσ περὶ Μέτελλον ἐπολέμει, τὰ πλεῖστα κατευτυχεῖν ἐδόκει, γήρᾳ καὶ φυσικῇ βραδυτῆτι τοῦ Μετέλλου πρὸσ ἄνδρα τολμητὴν καὶ λῃστρικῆσ μᾶλλον ἢ στρατιωτικῆσ ἡγούμενον δυνάμεωσ οὐκ ἀναφέροντοσ· ἐπεὶ δὲ καὶ Πομπηϊῴ τὴν Πυρήνην ὑπερβαλόντι παραστρατοπεδεύσασ, καὶ πᾶσαν ἅμα μὲν διδοὺσ, ἅμα δὲ λαμβάνων στρατηγικῶν παλαισμάτων πεῖραν, ἀντιτεχνώμενόσ τε καὶ φυλαττόμενοσ πλεῖον εἶχε, κομιδῇ διεβοήθη μέχρι Ῥώμησ ὡσ δεινότατοσ ὢν πόλεμον μεταχειρίσασθαι τῶν τότε στρατηγῶν.