Plutarch, Sertorius, chapter 14 1:

ἔκ τε δὴ τούτων θαυμαζόμενοσ ἠγαπᾶτο παρὰ τοῖσ βαρβάροισ ὁ Σερτώριοσ, καὶ ὅτι Ῥωμαϊκοῖσ ὁπλισμοῖσ καὶ τάξεσι καὶ συνθήμασιν ἀφαιρῶν τὸ μανικὸν καὶ θηριῶδεσ αὑτῶν τῆσ ἀλκῆσ ἀντὶ λῃστηρίου μεγάλου στρατὸν ἐποιεῖτο τὴν δύναμιν, ἔτι δ’ ἀργύρῳ χρώμενοσ ἀφειδῶσ καὶ χρυσῷ κράνη τε κατεκόσμει καὶ θυρεοὺσ αὑτῶν διεποίκιλλε, καὶ χλαμύσιν ἀνθιναῖσ καὶ χιτῶσι χρῆσθαι διδάσκων καὶ χορηγῶν εἰσ ταῦτα καὶ συμφιλοκαλῶν ἐδημαγώγει.