헬라어 문장 검색 - Πλυταρ́Σερτορί13́

(플루타르코스, Sertorius, chapter 13)

ἔτι δὲ αὐτὸσ μὲν ἤδη πρεσβύτεροσ ἦν καί τι καί πρὸσ ἀνειμένην ἤδη καί τρυφερὰν δίαιταν ἐκ πολλῶν ἀγώνων καί μεγάλων ἐνδεδωκώσ, τῷ δὲ Σερτωρίῳ συνειστήκει πνεύματοσ ἀκμαίου γέμοντι καί κατεσκευασμένον ἔχοντι θαυμασίωσ τὸ σῶμα ῥώμῃ καί τάχει καί λιτότητι. μέθησ μὲν γὰρ οὐδὲ ῥᾳθυμῶν ἥπτετο, πόνουσ δὲ μεγάλουσ καί μακρὰσ ὁδοιπορίασ καί συνεχεῖσ ἀγρυπνίασ ὀλίγοισ εἴθιστο καί φαύλοισ ἀρκούμενοσ σιτίοισ διαφέρειν, πλάνοισ δὲ χρώμενοσ ἀεὶ καί κυνηγεσίοισ ὁπότε σχολάζοι, πάσησ διεκδύσεωσ φεύγοντι καί διώκοντι κυκλώσεωσ ἀβάτων τε καί βασίμων τόπων ἐμπειρίαν προσειλήφει.

διὸ τῷ μὲν εἰργομένῳ μάχησ ὅσα νικώμενοι πάσχουσιν ἄνθρωποι βλάπτεσθαι συνέβαινεν, ὁ δὲ τῷ φεύγειν εἶχε τὰ τῶν διωκόντων. καί γὰρ ὑδρείασ ἀπέκοπτε καί σιτολογίασ εἶργε, καί προϊόντι μὲν ἐκποδὼν ἦν, ἐκίνει δὲ ἱδρυνθέντα, πολιορκοῦντι δὲ ἄλλουσ ἐπιφαινόμενοσ ἀντεπολιόρκει ταῖσ τῶν ἀναγκαίων ἀπορίαισ, ὥστε τοὺσ στρατιώτασ ἀπαγορεύειν, καί τοῦ Σερτωρίου μονομαχῆσαι προκαλουμένου τὸν Μέτελλον, βοᾶν καί κελεύειν μάχεσθαι στρατηγὸν στρατηγῷ καί Ῥωμαῖον Ῥωμαίῳ, ἀναδυόμενον δὲ χλευάζειν.

ὁ δὲ τούτων μὲν, εὖ ποιῶν, κατεγέλα·

στρατηγοῦ γὰρ, ὡσ ἔφη Θεόφραστοσ, δεῖ θάνατον ἀποθνῄσκειν τὸν στρατηγόν, οὐ πελταστοῦ τοῦ τυχόντοσ, ὁρῶν δὲ τοὺσ Λαγγοβρίγασ οὐ μικρὰ τῷ Σερτωρίῳ συλλαμβανομένουσ, δίψῃ δὲ ὄντασ εὐαλώτουσ ἓν γὰρ ἦν αὐτοῖσ φρέαρ ἐν τῇ πόλει, τῶν δ’ ἐν τοῖσ προαστείοισ καί παρὰ τὰ τείχη ναμάτων ὁ πολιορκῶν ἐπικρατεῖν ἔμελλεν, ἧκεν ἐπὶ τὴν πόλιν ὡσ ἡμέραισ δυσὶ συναιρήσων τὴν πολιορκίαν, ὕδατοσ οὐκ ὄντοσ. διὸ καί πέντε ἡμερῶν ἐπιφέρεσθαι σιτία μόνον προείρητο τοῖσ στρατιώταισ. ὁ Σερτώριοσ δ’ ὀξέωσ βοηθήσασ ἐκέλευσε δισχιλίουσ ἀσκοὺσ ὕδατοσ ἐμπλῆσαι, καθ’ ἕκαστον ἀσκὸν ἀργύριον συχνὸν τάξασ.

καί πολλῶν μὲν Ἰβήρων, πολλῶν δὲ Μαυρουσίων ὑφισταμένων τὸ ἔργον, ἐπιλεξάμενοσ ἄνδρασ εὐρώστουσ ἅμα καί ποδώκεισ ἔπεμψε διὰ τῆσ ὀρεινῆσ, κελεύσασ, ὅταν παραδῶσι τοὺσ ἀσκοὺσ τοῖσ ἐν τῇ πόλει, τὸν ἄχρηστον ὑπεξαγαγεῖν ὄχλον, ὅπωσ ἐξαρκῇ τοῖσ ἀμυνομένοισ τὸ ποτόν. ἐκπύστου δὲ τούτου γενομένου πρὸσ τὸν Μέτελλον, ἤχθετο μὲν ἤδη τὰ ἐπιτήδεια τῶν στρατιωτῶν ὑπαναλωκότων, ἐξέπεμψε δὲ ἐπὶ σιτολογίαν Ἀκυῗνον ἑξακισχιλίων ἡγούμενον.

αἰσθόμενοσ δὲ ὁ Σερτώριοσ καί προλοχίσασ τὴν ὁδόν ἐπανερχομένῳ τῷ Ἀκυΐνῳ τρισχιλίουσ ἄνδρασ ἔκ τινοσ συσκίου χαράδρασ ἐπανίστησιν, αὐτὸσ δὲ κατὰ στόμα προσβαλὼν τρέπεται, καί τοὺσ μὲν διαφθείρει, τοὺσ δὲ λαμβάνει ζῶντασ. Ἀκυῗνον δὲ μετὰ τῶν ὅπλων καί τὸν ἵππον ἀποβεβληκότα δεξάμενοσ Μέτελλοσ αἰσχρῶσ ἀπῄει, πολλὰ χλευαζόμενοσ ὑπὸ τῶν Ἰβήρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sertorius, chapter 13

(플루타르코스, Sertorius, chapter 13)

상위

목록

SEARCH

MENU NAVIGATION