Plutarch, Sertorius, chapter 11 3:

ὁ δὲ δεξάμενοσ αὐτίκα μὲν ἥσθη μετρίωσ· χρόνῳ δὲ ποιησάμενοσ τιθασὸν οὕτω καὶ φιλάνθρωπον ὥστε καὶ καλοῦντοσ ἀκούειν, καὶ βαδίζοντί ποι παρακολουθεῖν, ὄχλου τε καὶ θορύβου παντὸσ ἀνέχεσθαι στρατιωτικοῦ, κατὰ μικρὸν ἐξεθείαζε φάσκων Ἀρτέμιδοσ δῶρον τὴν ἔλαφον εἶναι, καὶ πολλὰ τῶν ἀδήλων ἐπεφήμιζεν αὐτῷ δηλοῦν, γινώσκων εὐάλωτον εἰσ δεισιδαιμονίαν εἶναι φύσει τὸ βαρβαρικόν. ὁ δὲ καὶ προσετεχνᾶτο τοιάδε·