헬라어 문장 검색 - Πλυταρ́Σερτορί09́

(플루타르코스, Sertorius, chapter 9)

ταῦθ’ ὁ Σερτώριοσ ἀκούσασ ἔρωτα θαυμαστὸν ἔσχεν οἰκῆσαι τὰσ νήσουσ καὶ ζῆν ἐν ἡσυχίᾳ, τυραννίδοσ ἀπαλλαγεὶσ καὶ πολέμων ἀπαύστων. αἰσθόμενοι δὲ οἱ Κίλικεσ, οὐθὲν εἰρήνησ δεόμενοι καὶ σχολῆσ, ἀλλὰ πλούτου καὶ λαφύρων, εἰσ Λιβύην ἀπέπλευσαν, Ἄσκαλιν τὸν Ἴφθα κατάξοντεσ ἐπὶ τὴν Μαυρουσίων βασιλείαν. οὐ μὴν ἀπέκαμεν ὁ Σερτώριοσ, ἀλλὰ τοῖσ πρὸσ τὸν Ἄσκαλιν διαπολεμοῦσιν ἔγνω βοηθεῖν, ὡσ οἱ σὺν αὐτῷ καινήν τινα λαβόντεσ ἐλπίδων ἀρχὴν καὶ πράξεων ἑτέρων ὑπόθεσιν μὴ διαλυθεῖεν ὑπὸ τῆσ ἀπορίασ, ἀσμένοισ δὲ τοῖσ Μαυρουσίοισ ἀφικόμενοσ εἴχετο ἔργου, καὶ καταμαχεσάμενοσ τὸν Ἄσκαλιν ἐπολιόρκει.

Σύλλα δὲ Πακκιανὸν ἐκπέμψαντοσ βοηθῆσαι τοῖσ περὶ τὸν Ἄσκαλιν μετὰ δυνάμεωσ, συμβαλὼν ὁ Σερτώριοσ τὸν μὲν Πακκιανὸν ἀπέκτεινε, τὴν δὲ στρατιὰν κρατήσασ προσηγάγετο, καὶ τὴν Τίγγιν, εἰσ ἣν ὁ Ἄσκαλισ συνέφυγε μετὰ τῶν ἀδελφῶν, ἐξεπολιόρκησεν.

ἐνταῦθα τὸν Ἀνταῖον οἱ Λίβυεσ ἱστοροῦσι κεῖσθαι· καὶ τὸν τάφον αὐτοῦ Σερτώριοσ διέσκαψε τοῖσ βαρβάροισ ἀπιστῶν διὰ μέγεθοσ, ἐντυχὼν δὲ τῷ σώματι πηχῶν ἑξήκοντα μῆκοσ, ὥσ φασι, κατεπλάγη, καὶ σφάγιον ἐντεμὼν συνέχωσε τὸ μνῆμα, καὶ τὴν περὶ αὐτοῦ τιμήν τε καὶ φήμην συνηύξησε. Τιγγῖται δὲ μυθολογοῦσιν Ἀνταίου τελευτήσαντοσ τὴν γυναῖκα Τίγγην Ἡρακλεῖ συνελθεῖν, Σόφακα δ’ ἐξ αὐτῶν γενόμενον βασιλεῦσαι τῆσ χώρασ καὶ πόλιν ἐπώνυμον τῆσ μητρὸσ ἀποδεῖξαι, Σόφακοσ δὲ παῖδα γενέσθαι Διόδωρον, ᾧ πολλὰ τῶν Λιβυκῶν ἐθνῶν ὑπή·

κουσεν Ἑλληνικὸν ἔχοντι στράτευμα τῶν αὐτόθι κατῳκισμένων ὑφ’ Ἡρακλέουσ Ὀλβιανῶν καὶ Μυκηναίων, ἀλλὰ ταῦτα μὲν ἀνακείσθω τῇ Ιὄβα χάριτι, τοῦ πάντων ἱστορικωτάτου βασιλέων· ἐκείνου γὰρ ἱστοροῦσι τοὺσ προγόνουσ Διοδώρου καὶ Σόφακοσ ἀπογόνουσ εἶναι.

Σερτώριοσ δὲ πάντων ἐγκρατὴσ γενόμενοσ τοὺσ δεηθέντασ αὐτοῦ καὶ πιστεύσαντασ οὐκ ἠδίκησεν, ἀλλὰ καὶ χρήματα καὶ πόλεισ καὶ τὴν ἀρχὴν ἀπέδωκεν αὐτοῖσ, ὅσα καλῶσ εἶχε δεξάμενοσ διδόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sertorius, chapter 9

(플루타르코스, Sertorius, chapter 9)

상위

목록

SEARCH

MENU NAVIGATION