헬라어 문장 검색 - Πλυταρ́Σερτορί07́

(플루타르코스, Sertorius, chapter 7)

ὡσ δὲ Σύλλαν μὲν ἐπυνθάνετο τῆσ Ῥώμησ κρατεῖν, ἔρρειν δὲ τὴν Μαρίου καὶ Κάρβωνοσ στάσιν, αὐτίκα προσδοκῶν στρατιὰν διαπολεμήσουσαν αὐτῷ μεθ’ ἡγεμόνοσ ἀφίξεσθαι φράγνυται τὰ Πυρηναῖα ὄρη διὰ Ιοὐλίου Σαλινάτοροσ ἑξακισχιλίουσ ὁπλίτασ ἔχοντοσ, καὶ μετ’ οὐ πολὺ Γάϊοσ Ἄννιοσ ἐκπεμφθεὶσ ὑπὸ Σύλλα καὶ τὸν Ιοὔλιον ἀπρόσμαχον ὁρῶν ἐν ἀπόρῳ καθῆστο παρὰ ταῖσ ὑπωρείαισ. Καλπουρνίου δέ τινοσ ἐπίκλησιν Λαναρίου δολοφονήσαντοσ τὸν Ιοὔλιον καὶ τῶν στρατιωτῶν τὰ ἄκρα τῆσ Πυρήνησ ἐκλιπόντων, ὑπερβαλὼν Ἄννιοσ ἐπῄει χειρὶ μεγάλῃ τοὺσ ἐμποδὼν ἀνιστάσ.

Σερτώριοσ δὲ οὐκ ὢν ἀξιόμαχοσ μετὰ τρισχιλίων εἰσ Καρχηδόνα τὴν νέαν καταφυγών, κἀκεῖθεν ἐπιβὰσ τῶν νεῶν καὶ διαπεράσασ τὸ πέλαγοσ, Λιβύῃ κατὰ τὴν Μαυρουσίαν προσέσχεν. ἀφυλάκτοισ δὲ τοῖσ στρατιώταισ ὑδρευομένοισ τῶν βαρβάρων ἐπιπεσόντων, συχνοὺσ ἀποβαλὼν αὖθισ εἰσ Ἰβηρίαν ἀπέπλει·

καὶ ταύτησ μὲν ἀποκρούεται, Κιλισσῶν δὲ λῃστρίδων αὐτῷ προσγενομένων Πιτυούσσῃ νήσῳ προσέβαλε, καὶ ἀπέβη τὴν παρ’ Ἀννίου φρουρὰν βιασάμενοσ. ζεφύρῳ δὲ λαμπρῷ τοῦ πελάγουσ ἀνισταμένου καὶ τὰ πολλὰ τῶν τοῦ Σερτωρίου πλοίων ὑπὸ κουφότητοσ πλάγια ταῖσ ῥαχίαισ περιβάλλοντοσ, αὐτὸσ ὀλίγαισ ναυσὶ τῆσ μὲν θαλάσσησ ὑπὸ τοῦ χειμῶνοσ εἰργόμενοσ, τῆσ δὲ γῆσ ὑπὸ τῶν πολεμίων, ἡμέρασ δέκα σαλεύων πρὸσ ἐναντίον κῦμα καὶ κλύδωνα τραχὺν ἐπιπόνωσ διεκαρτέρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sertorius, chapter 7

(플루타르코스, Sertorius, chapter 7)

상위

목록

SEARCH

MENU NAVIGATION