헬라어 문장 검색 - Πλυταρ́Σερτορί05́

(플루타르코스, Sertorius, chapter 5)

Μαρίου δὲ καταπλεύσαντοσ ἐκ Λιβύησ καὶ τῷ Κίννᾳ προστιθέντοσ ἑαυτὸν ὡσ ἰδιώτην ὑπάτῳ, τοῖσ μὲν ἄλλοισ ἐδόκει δέχεσθαι, Σερτώριοσ δὲ ἀπηγόρευεν, εἴτε τὸν Κίνναν ἧττον οἰόμενοσ ἑαυτῷ προσέξειν ἀνδρὸσ ἡγεμονικωτέρου παρόντοσ, εἴτε τὴν βαρύτητα τοῦ Μαρίου δεδοικώσ, μὴ πάντα τὰ πράγματα συγχέῃ θυμῷ μέτρον οὐκ ἔχοντι, πέρα δίκησ ἐν τῷ κρατεῖν προερχόμενοσ, ἔλεγεν οὖν μικρὸν εἶναι τὸ ὑπολειπόμενον ἔργον αὐτοῖσ ἤδη κρατοῦσι, δεξαμένων δὲ τὸν Μάριον τὸ σύμπαν οἴσεσθαι τῆσ δόξησ ἐκεῖνον καὶ τῆσ δυνάμεωσ, χαλεπὸν ὄντα πρὸσ κοινωνίαν ἀρχῆσ καὶ ἄπιστον. οὕτωσ μεταπέμπεται τὸν Μάριον Κίννασ·

καὶ τριχῇ τῆσ δυνάμεωσ διανεμηθείσησ ἦρχον οἱ τρεῖσ. διαπολεμηθέντοσ δὲ τοῦ πολέμου καὶ τῶν περὶ τὸν Κίνναν καὶ Μάριον ἐμφορουμένων ὕβρεώσ τε καὶ πικρίασ ἁπάσησ, ὥστε χρυσὸν ἀποδεῖξαι Ῥωμαίοισ τὰ τοῦ πολέμου κακά, Σερτώριοσ λέγεται μόνοσ οὔτε ἀποκτεῖναί τινα πρὸσ ὀργὴν οὔτε ἐνυβρίσαι κρατῶν, ἀλλὰ καὶ τῷ Μαρίῳ δυσχεραίνειν καὶ τὸν Κίνναν ἐντυγχάνων ἰδίᾳ καὶ δεόμενοσ μετριώτερον ποιεῖν.

τέλοσ δὲ τῶν δούλων, οὓσ Μάριοσ συμμάχουσ μὲν ἐν τῷ πολέμῳ δορυφόρουσ δὲ τῆσ τυραννίδοσ ἔχων ἰσχυροὺσ καὶ πλουσίουσ ἐποίησε, τὰ μὲν ἐκείνου διδόντοσ καὶ κελεύοντοσ, τὰ δὲ καὶ βίᾳ παρανομούντων εἰσ τοὺσ δεσπότασ, σφαττόντων μὲν αὐτούσ, ταῖσ δὲ δεσποίναισ πλησιαζόντων καὶ βιαζομένων τοὺσ παῖδασ, οὐκ ἀνασχετὰ ποιούμενοσ ὁ Σερτώριοσ ἅπαντασ ἐν ταὐτῷ στρατοπεδεύοντασ κατηκόντισεν, οὐκ ἐλάττουσ τετρακισχιλίων ὄντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sertorius, chapter 5

(플루타르코스, Sertorius, chapter 5)

상위

목록

SEARCH

MENU NAVIGATION