헬라어 문장 검색 - Πλυταρ́Σερτορί04́

(플루타르코스, Sertorius, chapter 4)

ἐκ τούτου Σερτώριοσ ἐν τῇ Ἰβηρίᾳ διεβοήθη· καὶ ὅτε πρῶτον ἐπανῆκεν εἰσ Ῥώμην, ταμίασ ἀποδείκνυται τῆσ περὶ Πάδον Γαλατίασ, ἐν δέοντι. τοῦ γὰρ Μαρσικοῦ πολέμου συνισταμένου, στρατιώτασ τε προσταχθὲν αὐτῷ καταλέγειν καὶ ὅπλα ποιεῖσθαι, σπουδὴν καὶ τάχοσ προσθεὶσ τῷ ἔργῳ παρὰ τὴν τῶν ἄλλων νέων βραδυτῆτα καὶ μαλακίαν ἀνδρὸσ ἐμπράκτωσ βιωσομένου δόξαν ἔσχεν. οὐ μὴν ὑφήκατο τῆσ στρατιωτικῆσ τόλμησ εἰσ ἀξίωμα προεληλυθὼσ ἡγεμόνοσ, ἀλλὰ καὶ χειρὸσ ἐπιδεικνύμενοσ ἔργα θαυμαστὰ καὶ τὸ σῶμα τοῖσ ἀγῶσιν ἀφειδῶσ ἐπιδιδούσ, τῶν ὄψεων ἀπέβαλε τὴν ἑτέραν ἐκκοπεῖσαν.

ἐπὶ τούτῳ δὲ καὶ καλλωπιζόμενοσ ἀεὶ διετέλει. τοὺσ μὲν γὰρ ἄλλουσ οὐκ ἀεὶ τὰ μαρτύρια τῶν ἀριστειῶν περιφέρειν, ἀλλὰ καὶ ἀποτίθεσθαι στρεπτὰ καὶ δόρατα καὶ στεφάνουσ, αὐτῷ δὲ τῆσ ἀνδραγαθίασ παραμένειν τὰ γνωρίσματα, τοὺσ αὐτοὺσ ἔχοντι τῆσ ἀρετῆσ ἅμα καὶ τῆσ συμφορᾶσ θεατάσ. ἀπέδωκε δὲ καὶ ὁ δῆμοσ αὐτῷ τιμὴν πρέπουσαν.

εἰσελθόντα γὰρ εἰσ θέατρον ἐδέξαντό τε κρότῳ καὶ κατευφήμησαν, ὧν οὐδὲ τοῖσ πάνυ προήκουσιν ἡλικίᾳ τε καὶ δόξῃ τυχεῖν ἦν ῥᾴδιον. δημαρχίαν μέντοι μετιών Σύλλα καταστασιάσαντοσ αὑτὸν ἐξέπεσε· διὸ καὶ δοκεῖ γενέσθαι μισοσύλλασ. ἐπεὶ δὲ Μάριοσ μὲν ὑπὸ Σύλλα κρατηθεὶσ ἔφευγε, Σύλλασ δὲ Μιθριδάτῃ πολεμήσων ἀπῆρε, τῶν δὲ ὑπάτων Ὀκτάβιοσ μὲν ἐπὶ τῆσ Σύλλα προαιρέσεωσ ἔμενε, Κίννασ δὲ νεωτερίζων ὑποφερομένην ἀνεκαλεῖτο τὴν Μαρίου στάσιν, τούτῳ προσένειμεν αὑτὸν ὁ Σερτώριοσ, ἄλλωσ τε καὶ τὸν Ὀκτάβιον ὁρῶν αὑτὸν μὲν ἀμβλύτερον ὄντα, τοῖσ δὲ Μαρίου φίλοισ ἀπιστοῦντα.

γενομένησ δὲ τοῖσ ὑπάτοισ ἐν ἀγορᾷ μάχησ μεγάλησ Ὀκτάβιοσ μὲν ἐκράτησε, Κίννασ δὲ καὶ Σερτώριοσ οὐ πολλῷ ἐλάττουσ τῶν μυρίων ἀποβαλόντεσ ἔφυγον καὶ τῶν περὶ τὴν Ἰταλίαν ἔτι διεσπαρμένων στρατοπέδων προσαγόμενοι τὰ πλεῖστα πειθοῖ ταχὺ κατέστησαν ἀξιόμαχοι τοῖσ περὶ τὸν Ὀκτάβιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 4

(플루타르코스, Sertorius, chapter 4)

상위

목록

SEARCH

MENU NAVIGATION