Plutarch, Quaestiones Convivales, book 8, Περὶ συμβόλων Πυθαγορικῶν, ἐν οἷσ παρεκελεύοντο χελιδόνα οἰκίᾳ μὴ δέχεσθαι καὶ τὰ στρώματα συνταράττειν εὐθὺσ ἀναστάντασ. 12:

ταῦτ’ εἰπὼν ἐγώ μοι δοκῶ ποιῆσαι λόγων ἄδειαν· εὐθαρσῶσ γὰρ ἤδη τοῖσ ἄλλοισ συμβόλοισ προσῆγον, ἠθικὰσ ἐπιεικῶσ ποιούμενοι τὰσ λύσεισ αὐτῶν. τῆσ μὲν γὰρ χύτρασ τὸν τύπον ἔφη Φιλῖνοσ ἀφανίζειν αὐτούσ, διδάσκοντασ ὅτι δεῖ μηδὲν ὀργῆσ ἔνδηλον ἀπολείπειν ἴχνοσ, ἀλλ’ ὅταν ἀναζέσασα παύσηται καὶ καταστῇ, πᾶσαν ἐξαληλίφθαι μνησικακίαν.