Plutarch, Quaestiones Convivales, book 8, Περὶ συμβόλων Πυθαγορικῶν, ἐν οἷσ παρεκελεύοντο χελιδόνα οἰκίᾳ μὴ δέχεσθαι καὶ τὰ στρώματα συνταράττειν εὐθὺσ ἀναστάντασ. 10:

(플루타르코스, Quaestiones Convivales, book 8, Περὶ συμβόλων Πυθαγορικῶν, ἐν οἷσ παρεκελεύοντο χελιδόνα οἰκίᾳ μὴ δέχεσθαι καὶ τὰ στρώματα συνταράττειν εὐθὺσ ἀναστάντασ. 10:)

"καὶ ταῦτ’ ἔχει λόγον, ὦ Σύλλα. "εἴπερ οὖν δεῖ τὰ τοιαῦτα μὴ κατ’ εὐθυωρίαν, ἀλλ’ ἀνακλάσαντασ ὥσπερ ἐμφάσεισ ἑτέρων ἐν ἑτέροισ θεωρεῖν, παράδειγμα τὰσ χελιδόνασ τοῦ ἀβεβαίου καὶ ἀχαρίστου θέμενοσ οὐκ ἐᾷ τοὺσ ἕνεκα καιροῦ προσφερομένουσ καὶ ὑποδυομένουσ ποιεῖσθαι συνήθεισ ἐπὶ πλέον, ἑστίασ καὶ οἴκου καὶ τῶν ἁγιωτάτων μεταδιδόντασ. "σκόπει δὲ μὴ πρῶτον μέν, ᾧ λόγῳ τὸ γαμψώνυχον οὐ προσίενται, τούτῳ καὶ ἡ χελιδὼν ἀδοξεῖ παρ’ αὐτοῖσ· "σαρκοφάγοσ γάρ ἐστι καὶ μάλιστα τοὺσ τέττιγασ, ἱεροὺσ καὶ μουσικοὺσ ὄντασ, ἀποκτίννυσι καὶ σιτεῖται· "καὶ πρόσγειοσ αὐτῆσ ἡ πτῆσίσ ἐστι, τὰ μικρὰ καὶ λεπτὰ τῶν ζῴων ἀγρευούσησ, ὥσ φησιν Ἀριστοτέλησ· "ἔπειτα μόνη τῶν ὁμωροφίων ἀσύμβολοσ ἐνοικεῖ καὶ ἀτελὴσ ἐνδιαιτᾶται. "καίτοι ὅ γε πελαργὸσ οὔτε σκέπησ μετέχων οὔτ’ ἀλέασ οὔτ’ ἀδείασ τινὸσ ἢ βοηθείασ παρ’ ἡμῖν, ἐπίβαθρόν τι τῆσ δίδωσι· "τὰ γὰρ ἐπίβουλα καὶ πολέμια τῶν ἀνθρώπων, φρύνουσ καὶ ὄφεισ, ἀναιρεῖ περιιών· "ἡ δὲ πάντων τυχοῦσα τούτων, ὅταν ἐκθρέψῃ καὶ τελειώσῃ τοὺσ νεοσσούσ, ἄπεισιν ἀχάριστοσ γενομένη καὶ ἄπυστοσ. "ὃ δὲ δεινότατόν ἐστι, μόνα τῶν συνοίκων μυῖα καὶ χελιδὼν οὐχ ἡμεροῦται πρὸσ ἄνθρωπον οὐδ’ ἀνέχεται ψαῦσιν οὐδ’ ὁμιλίαν οὐδὲ κοινωνίαν ἔργου τινὸσ ἢ παιδιᾶσ, ἡ μὲν μυῖα φοβουμένη τῷ πάσχειν κακῶσ καὶ διασοβεῖσθαι πολλάκισ, ἡ δὲ χελιδὼν τῷ φύσει μισάνθρωποσ εἶναι καὶ δι’ ἀπιστίαν ἀτιθάσευτοσ ἀεὶ καὶ ὕποπτοσ.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION