헬라어 문장 검색 - Πλυταρ́Θυαεστι

(플루타르코스, Quaestiones Convivales, book 8, Περὶ συμβόλων Πυθαγορικῶν, ἐν οἷσ παρεκελεύοντο χελιδόνα οἰκίᾳ μὴ δέχεσθαι καὶ τὰ στρώματα συνταράττειν εὐθὺσ ἀναστάντασ. 10:)

"καὶ ταῦτ’ ἔχει λόγον, ὦ Σύλλα. "εἴπερ οὖν δεῖ τὰ τοιαῦτα μὴ κατ’ εὐθυωρίαν, ἀλλ’ ἀνακλάσαντασ ὥσπερ ἐμφάσεισ ἑτέρων ἐν ἑτέροισ θεωρεῖν, παράδειγμα τὰσ χελιδόνασ τοῦ ἀβεβαίου καὶ ἀχαρίστου θέμενοσ οὐκ ἐᾷ τοὺσ ἕνεκα καιροῦ προσφερομένουσ καὶ ὑποδυομένουσ ποιεῖσθαι συνήθεισ ἐπὶ πλέον, ἑστίασ καὶ οἴκου καὶ τῶν ἁγιωτάτων μεταδιδόντασ. "σκόπει δὲ μὴ πρῶτον μέν, ᾧ λόγῳ τὸ γαμψώνυχον οὐ προσίενται, τούτῳ καὶ ἡ χελιδὼν ἀδοξεῖ παρ’ αὐτοῖσ· "σαρκοφάγοσ γάρ ἐστι καὶ μάλιστα τοὺσ τέττιγασ, ἱεροὺσ καὶ μουσικοὺσ ὄντασ, ἀποκτίννυσι καὶ σιτεῖται· "καὶ πρόσγειοσ αὐτῆσ ἡ πτῆσίσ ἐστι, τὰ μικρὰ καὶ λεπτὰ τῶν ζῴων ἀγρευούσησ, ὥσ φησιν Ἀριστοτέλησ· "ἔπειτα μόνη τῶν ὁμωροφίων ἀσύμβολοσ ἐνοικεῖ καὶ ἀτελὴσ ἐνδιαιτᾶται. "καίτοι ὅ γε πελαργὸσ οὔτε σκέπησ μετέχων οὔτ’ ἀλέασ οὔτ’ ἀδείασ τινὸσ ἢ βοηθείασ παρ’ ἡμῖν, ἐπίβαθρόν τι τῆσ δίδωσι· "τὰ γὰρ ἐπίβουλα καὶ πολέμια τῶν ἀνθρώπων, φρύνουσ καὶ ὄφεισ, ἀναιρεῖ περιιών· "ἡ δὲ πάντων τυχοῦσα τούτων, ὅταν ἐκθρέψῃ καὶ τελειώσῃ τοὺσ νεοσσούσ, ἄπεισιν ἀχάριστοσ γενομένη καὶ ἄπυστοσ. "ὃ δὲ δεινότατόν ἐστι, μόνα τῶν συνοίκων μυῖα καὶ χελιδὼν οὐχ ἡμεροῦται πρὸσ ἄνθρωπον οὐδ’ ἀνέχεται ψαῦσιν οὐδ’ ὁμιλίαν οὐδὲ κοινωνίαν ἔργου τινὸσ ἢ παιδιᾶσ, ἡ μὲν μυῖα φοβουμένη τῷ πάσχειν κακῶσ καὶ διασοβεῖσθαι πολλάκισ, ἡ δὲ χελιδὼν τῷ φύσει μισάνθρωποσ εἶναι καὶ δι’ ἀπιστίαν ἀτιθάσευτοσ ἀεὶ καὶ ὕποπτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

상위

목록

SEARCH

MENU NAVIGATION