헬라어 문장 검색 - Πλυταρ́Θυαεστι

(플루타르코스, Quaestiones Convivales, book 8, Διὰ τί πρὸ ἡμέρασ ἐκ τοῦ Νείλου οἱ πλέοντεσ ὑδρεύονται.)

αἰτίαν τισ ἐζήτησε, δι’ ἣν οἱ ναύκληροι τὰσ ὑδρείασ ἐκ τοῦ Νείλου νυκτὸσ οὐχ ἡμέρασ ποιοῦνται. καί τισι μὲν ἐδόκουν τὸν ἣλιον δεδιέναι, τῷ προθερμαίνειν τὰ ὑγρὰ μᾶλλον εὔσηπτα ποιοῦντα·

πᾶν γὰρ τὸ θερμανθὲν καὶ χλιανθὲν ἀεὶ πρὸσ μεταβολὴν ἑτοιμότερόν ἐστι καὶ προπέπονθεν ἀνέσει τῆσ ποιότητοσ ἡ δὲ ψυχρότησ πιέζουσα συνέχειν δοκεῖ καὶ φυλάττειν ἕκαστον ἐν ᾧ πέφυκεν, οὐχ ἥκιστα δὲ τὸ ὕδωρ· ὕδατοσ γὰρ ἡ ψυχρότησ σχετικόν ἐστι φύσει·

δηλοῦσιν αἱ χιόνεσ, τὰ κρέα δύσσηπτα τηροῦσαι πολὺν χρόνον. ἡ δὲ θερμότησ τὰ τ’ ἄλλα καὶ τὸ μέλι τῆσ ἰδίασ ποιότητοσ ἐξίστησι· φθείρεται γὰρ ἑψηθέν· ἂν δ’ ὠμὸν διαμένῃ καὶ τοῖσ ἄλλοισ πρὸσ τὸ μὴ φθείρεσθαι βοηθεῖ.

μεγίστην δὲ τῇ αἰτίᾳ πίστιν παρεῖχε τὰ λιμναῖα τῶν ὑδάτων· χειμῶνοσ γὰρ οὐδὲν διαφέροντα τῶν ἄλλων ποθῆναι, τοῦ θέρουσ γίγνεται πονηρὰ καὶ νοσώδη διὸ χειμῶνι μὲν τῆσ νυκτὸσ ἀναλογεῖν δοκούσησ θέρει δὲ τῆσ ἡμέρασ, μᾶλλον οἰόνται διαμένειν ἄτρεπτον καὶ ἀπαθὲσ τὸ ὕδωρ , ἂν νυκτὸσ λαμβάνηται. τούτοισ ἐπιεικῶσ οὖσι πιθανοῖσ, ἐπανέκυψε λόγοσ ὥσπερ ἀτέχνῳ πίστει ναυτικῇ βεβαιούμενοσ ἐμπειρίᾳ·

νυκτὸσ γὰρ ἔφασαν λαμβάνειν τὸ ὕδωρ, ἔτι τοῦ ποταμοῦ καθεστῶτοσ καὶ ἡσυχάζοντοσ, ἡμέρασ δέ, πολλῶν ἀνθρώπων ὑδρευομένων καὶ πλεόντων, πολλῶν δὲ θηρίων διαφερομένων, ἀναταραττόμενον γίγνεσθαι παχὺ καὶ γεῶδεσ τὸ δὲ τοιοῦτον εὔσηπτον εἶναι πάντα γὰρ τὰ μεμιγμένα τῶν ἀμίκτων ἐπισφαλέστερα πρὸσ σῆψίν ἐστι·

ποιεῖ γὰρ ἡ μῖξισ μάχην, ἡ δὲ μάχη μεταβολήν, μεταβολὴ δέ τισ ἡ σῆψισ.

διὸ τάσ τε μίξεισ τῶν χρωμάτων οἱ ζωγράφοι φθορὰσ,·

κέκληκεν ὁ ποιητήσ, ἡ δὲ κοινὴ συνήθεια τὸ ἄμικτον καὶ καθαρὸν ἄφθαρτον καὶ ἀκήρατον, μάλιστα δὲ γῆ μιχθεῖσα πρὸσ ὕδωρ ἐξίστησι καὶ φθείρει τὸ πότιμον καὶ οἰκεῖον·

ὅθεν εὔσηπτα μᾶλλόν ἐστι τὰ στάσιμα καὶ κοῖλα, πολλῆσ·

ἀναπιμπλάμενα γῆσ, τὰ δὲ ῥέοντα φεύγει καὶ διακρούεται τὴν προσφερομένην· καὶ καλῶσ Ἡσίοδοσ ἐπῄνεσε κρήνησ ἀενάου καὶ ἀπορρύτου, ἥ τ’ ἀθόλωτοσ. ὑγιεινὸν γὰρ τὸ ἀδιάφθορον ἀδιάφθορον δὲ τὸ ἄμικτον καὶ καθαρόν.

οὐχ ἥκιστα δ’ αἱ τῆσ γῆσ διαφοραὶ τῷ λόγῳ μαρτυροῦσι· τὰ γὰρ ὀρεινὴν διεξιόντα γῆν καὶ λιθώδη στερρότερα τῶν ἑλείων καὶ πεδινῶν ἐστι· πολλὴν γὰρ οὐκ ἀποσπᾷ γῆν.

ὁ δὲ Νεῖλοσ ὑπὸ μαλθακῆσ χώρασ περιεχόμενοσ, μᾶλλον δ’ ὥσπερ αἷμα σαρκὶ κεκραμένοσ, γλυκύτητοσ μὲν ἀπολαύει καὶ χυμῶν ἀναπίμπλαται δύναμιν ἐμβριθῆ καὶ τρόφιμον ἐχόντων, συμμιγὴσ δὲ φέρεται καὶ θολερόσ· ἂν δ’ ἀναταράττηται, καὶ μᾶλλον·

ἡ γὰρ κίνησισ ἀναμίγνυσι τῷ ὑγρῷ τὸ γεῶδεσ ὅταν δ’ ἠρεμήσῃ, κάτω ῥέπον διὰ βάροσ ἄπεισιν. τῶν ὑγρῶν αἰρόμενον διαφθείρεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 8, Διὰ τί πρὸ ἡμέρασ ἐκ τοῦ Νείλου οἱ πλέοντεσ ὑδρεύονται.

(플루타르코스, Quaestiones Convivales, book 8, Διὰ τί πρὸ ἡμέρασ ἐκ τοῦ Νείλου οἱ πλέοντεσ ὑδρεύονται.)

상위

목록

SEARCH

MENU NAVIGATION