헬라어 문장 검색 - Πλυταρ́Θυαεστι

(플루타르코스, Quaestiones Convivales, book 8, Διὰ τί τῶν ἱερῶν ἀγώνων ἄλλοσ ἄλλον ἔχει στέφανον, τὸν δὲ φοίνικα πάντεσ· ἐν ᾧ καὶ διὰ τί τοὺσ μεγάλουσ φοινικοβαλάνουσ Νικολάουσ καλοῦσιν. 10:)

"ἄδηλα, καὶ τοῦ Θησέωσ αὐτοῦ πυνθάνεσθαι φήσουσιν, ᾧτινι λόγῳ φοίνικοσ, οὐ δάφνησ οὐδ’ ἐλαίασ, κλάδον ἀπέσπασεν ἀγωνοθετῶν. σκόπει δή, μὴ Πυθικόν ἐστι τὸ νικητήριον, ὡσ· "Ἀμφικτύονοσ· "κἀκεῖ πρῶτον ἐπὶ τιμῇ τοῦ θεοῦ δάφνῃ καὶ φοίνικι τοὺσ νικῶντασ ἐκόσμησαν, ἅτε δὴ καὶ τῷ θεῷ μὴ δάφνασ μηδ’ ἐλαίασ ἀλλὰ φοίνικασ ἀνατιθέντεσ, ὡσ ἐν Δήλῳ Νικίασ χορηγήσασ Ἀθηναίων καὶ ἐν Δελφοῖσ Ἀθηναῖοι καὶ Κύψελοσ πρότερον Κορίνθιοσ ἐπεὶ καὶ φίλαθλοσ ἄλλωσ καὶ φιλόνικοσ ἡμῖν ὁ θεόσ, αὐτὸσ ἐν κιθαρίσει καὶ ᾠδῇ καὶ βολαῖσ δίσκων, ὡσ δ’ ἔνιοί φασι, καὶ πυγμῇ ἁμιλλώμενοσ· "ἀνθρώποισ δὲ προσαμύνων ἀγωνιζομένοισ, ὡσ Ὅμηροσ ἐμαρτύρησε, τὸν μὲν Ἀχιλλέα λέγοντα ποιήσασ ἄνδρε δύω περὶ τῶνδε κελεύομεν, ὥπερ ἀρίστω, πὺξ μάλ’ ἀνασχομένω πεπληγέμεν ᾧ δέ κ̓ Ἀπόλλων δώῃ καμμονίην . . . τῶν δὲ τοξοτῶν τὸν μὲν εὐξάμενον τῷ θεῷ κατορθῶσαι καὶ λαβεῖν τὰ πρωτεῖα· "τὸν δὲ γαῦρον ἀστοχῆσαι τοῦ σκοποῦ, μὴ εὐξάμενον. "καὶ μὴν οὐδ’ Ἀθηναίουσ εἰκόσ ἐστιν Ἀπόλλωνι καθιερῶσαι, τὸ γυμνάσιον ἀλόγωσ καὶ αὐτομάτωσ· "ἀλλὰ παρ’ οὗ τὴν ὑγίειαν ἔχομεν θεοῦ, τοῦτον εὐεξίαν τε διδόναι καὶ ῥώμην ἐπὶ τοὺσ ἀγῶνασ ᾤοντο. "κούφων δὲ καὶ βαρέων ἀγωνισμάτων ὄντων, πύκτῃ μὲν Ἀπόλλωνι Δελφούσ, δρομαίῳ δὲ Κρῆτασ ἱστοροῦσι θύειν καὶ Λακεδαιμονίουσ. "σκύλων δὲ Πυθοῖ καὶ ἀκροθινίων καὶ τροπαίων ἀναθέσεισ ἆρ’, οὐ συμμαρτυροῦσιν ὅτι τῆσ εἰσ τὸ νικᾶν καὶ κρατεῖν δυνάμεωσ τῷ θεῷ τούτῳ πλεῖστον μέτεστιν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

상위

목록

SEARCH

MENU NAVIGATION