Plutarch, Quaestiones Convivales, book 8, Πῶσ Πλάτων ἔλεγε τὸν θεὸν ἀεὶ γεωμετρεῖν. 18:

(플루타르코스, Quaestiones Convivales, book 8, Πῶσ Πλάτων ἔλεγε τὸν θεὸν ἀεὶ γεωμετρεῖν. 18:)

"ἀλλὰ τί τοῦτο πρὸσ τὸν λόγον; "ἀναμνήσαντεσ αὑτοὺσ τῆσ ἐν Τιμαίῳ διαιρέσεωσ, διεῖλε τριχῇ τὰ πρῶτα, ὑφ’ ὧν τὴν γένεσιν ὁ κόσμοσ ἔσχεν, ὧν τὸ μὲν θεὸν τῷ δικαιοτάτῳ τῶν ὀνομάτων τὸ δ’ ὕλην τὸ δ’ ἰδέαν καλοῦμεν. "ἡ μὲν οὖν ὕλη τῶν ὑποκειμένων ἀτακτότατόν ἐστιν, ἡ δ’ ἰδέα τῶν παραδειγμάτων κάλλιστον, ὁ δὲ θεὸσ τῶν αἰτίων ἄριστον. "ἐβούλετ’ οὖν μηθέν, ὡσ ἀνυστὸν ἦν, ὑπολιπεῖν ὁριστὸν ἀόριστον, ἀλλὰ κοσμῆσαι λόγῳ καὶ ἀριθμῷ τὴν φύσιν· "ἕν τι ποιῶν ἐκ πάντων ὁμοῦ τῶν ὑποκειμένων, οἱο͂ν ἡ ἰδέα καὶ ὅσον ἡ ὕλη γενόμενον. "διὸ τοῦτο πρόβλημα δοὺσ αὑτῷ, δυεῖν ὄντων, τρίτον ἐποίησε καὶ ποιεῖ καὶ φυλάττει διὰ παντὸσ τὸ ἴσον τῇ ὕλῃ καὶ ὅμοιον τῇ ἰδέᾳ τὸν κόσμον· "ἀεὶ γὰρ ὢν διὰ τὴν σύμφυτον ἀνάγκην τοῦ σώματοσ ἐν γενέσει καὶ μετατροπῇ καὶ πάθεσι παντοδαποῖσ ὑπὸ τοῦ πατρὸσ καὶ δημιουργοῦ βοηθεῖται τῷ λόγῳ πρὸσ τὸ παράδειγμα τὴν οὐσίαν ὁρίζοντοσ· "καὶ κάλλιον τοῦ συμμέτρου τὸ περίμετρον τῶν ὄντων.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION