Plutarch, Quaestiones Convivales, book 8, Πῶσ Πλάτων ἔλεγε τὸν θεὸν ἀεὶ γεωμετρεῖν. 4:

(플루타르코스, Quaestiones Convivales, book 8, Πῶσ Πλάτων ἔλεγε τὸν θεὸν ἀεὶ γεωμετρεῖν. 4:)

"ὦ Διογενιανέ, τῶν περιττῶν τι καὶ δυσθεωρήτων αἰνίττεσθαι τὸν λόγον, οὐχ ὅπερ αὐτὸσ εἴρηκε καὶ γέγραφε πολλάκισ, ὑμνῶν γεωμετρίαν, ὡσ ἀποσπῶσαν ἡμᾶσ προσισχομένουσ τῇ αἰσθήσει καὶ ἀποστρέφουσαν ἐπὶ τὴν νοητὴν καὶ ἀίδιον φύσιν, ἧσ θέα τέλοσ ἐστὶ φιλοσοφίασ οἱο͂ν ἐποπτεία τελετῆσ; "ὁ γὰρ ἡδονῆσ καὶ ἀλγηδόνοσ ἧλοσ, ὃσ πρὸσ τὸ σῶμα τὴν ψυχὴν προσηλοῖ, μέγιστον κακὸν ἔχειν ἐοίκε, τὸ τὰ αἰσθητὰ ποιεῖν ἐναργέστερα τῶν νοητῶν, καὶ καταβιάζεσθαι πάθει μᾶλλον ἢ λόγῳ κρίνειν τὴν διάνοιαν· "ἐθιζομένη γὰρ ὑπὸ τοῦ σφόδρα πονεῖν καὶ ἥδεσθαι τῷ περὶ τὰ σώματα πλανητῷ καὶ μεταβλητῷ προσέχειν ὡσ ὄντι τοῦ ἀληθῶσ ὄντοσ τυφλοῦται, καὶ τὸ μυρίων ἀντάξιον ὀμμάτων ὄργανον ψυχῆσ καὶ φέγγοσ ἀπόλλυσιν, ᾧ μόνῳ θεατὸν ἐστι τὸ θεῖον. "πᾶσι μὲν οὖν τοῖσ καλουμένοισ μαθήμασιν, ὥσπερ ἀστραβέσι καὶ λείοισ κατόπτροισ, ἐμφαίνεται τῆσ τῶν νοητῶν ἀληθείασ ἴχνη καὶ εἴδωλα· "μάλιστα δὲ γεωμετρία κατὰ τὸν Φίλωνα ἀρχὴ καὶ μητρόπολισ οὖσα τῶν ἄλλων ἐπανάγει καὶ στρέφει τὴν διάνοιαν, οἱο͂ν ἐκκαθαιρομένην καὶ ἀπολυομένην ἀτρέμα τῆσ,· "αἰσθήσεωσ. "διὸ καὶ Πλάτων αὐτὸσ ἐμέμψατο τοὺσ περὶ Εὔδοξον καὶ Ἀρχύταν καὶ Μέναιχμον εἰσ ὀργανικὰσ καὶ μηχανικὰσ κατασκευὰσ τὸν τοῦ στερεοῦ διπλασιασμὸν ἀπάγειν ἐπιχειροῦντασ, ὥσπερ πειρωμένουσ δι’ ἀλόγου δύο μέσασ ἀνάλογον, παρείκοι, λαβεῖν· "ἀπόλλυσθαι γὰρ οὕτω καὶ διαφθείρεσθαι τὸ γεωμετρίασ ἀγαθὸν αὖθισ ἐπὶ τὰ αἰσθητὰ παλινδρομούσησ καὶ μὴ φερομένησ ἄνω μηδ’ ἀντιλαμβανομένησ τῶν ἀιδίων καὶ ἀσωμάτων εἰκόνων, πρὸσ αἷσπερ ὢν ὁ θεὸσ ἀεὶ θεόσ ἐστι.

상위

Quaestiones Convivales

목록

일치하는 문장이 없습니다.

SEARCH

MENU NAVIGATION