헬라어 문장 검색 - Πλυταρ́Θυαεστι

(플루타르코스, Quaestiones Convivales, book 7, ὅτι δεῖ μάλιστα τὰσ διὰ κακομουσίασ ἡδονὰσ φυλάττεσθαι, καὶ πῶσ φυλακτέον.)

ἐν Πυθίοισ Καλλίστρατοσ, τῶν Ἀμφικτυόνων ὢν ἐπιμελητήσ, αὐλῳδόν τινα πολίτην καὶ φίλον ὑστερήσαντα τῆσ ἀπογραφῆσ τοῦ μὲν ἀγῶνοσ εἶρξε κατὰ τὸν νόμον· εἰσ τὸ συμπόσιον ἐσθῆτι καὶ στεφάνοισ, ὥσπερ ἐν ἀγῶνι, μετὰ τοῦ χοροῦ κεκοσμημένον ἐκπρεπῶσ.

καὶ νὴ Δία κομψὸν ἦν ἀκρόαμα τὸ πρῶτον· καὶ κροτεῖν, ἀλλὰ τελευτῶντεσ ἀνεπήδων οἱ πολλοί, καὶ συνεκινοῦντο κινήσεισ ἀνελευθέρουσ, πρεπούσασ δὲ τοῖσ κρούμασιν ἐκείνοισ καὶ τοῖσ μέλεσιν.

ἐπεὶ δ’ ἐπαύσαντο καὶ κατάστασιν αὖθισ ὥσπερ ἐκ μανίασ ὁ πότοσ ἐλάμβανεν, ἐβούλετο μὲν ὁ Λαμπρίασ εἰπεῖν τι καὶ παρρησιάσασθαι πρὸσ τοὺσ νέουσ ὀρρωδοῦντι δ’ ὅμωσ αὐτῷ μὴ λίαν ἀηδὴσ γένηται καὶ λυπηρόσ, οὔτωσ ὁ Καλλίστρατοσ ὥσπερ ἐνδόσιμον παρέσχε τοιαῦτά τινα διαλεχθείσ·

"καὶ αὐτὸσ ἀπολύω τὸ φιλήκοον καὶ φιλοθέαμον οὐ μὴν Ἀριστοξένῳ γε συμφέρομαι παντάπασι, ταύταισ μόναισ φάσκοντι ταῖσ ἡδοναῖσ τὸ καλῶσ ἐπιλέγεσθαι.

"καὶ γὰρ ὄψα καλὰ καὶ μύρα καλοῦσι καὶ καλῶσ γεγονέναι λέγουσι δειπνήσαντεσ ἡδέωσ καὶ πολυτελῶσ. δοκεῖ δέ μοι μηδ’ Ἀριστοτέλησ αἰτίᾳ δικαίᾳ τὰσ περὶ θέαν καὶ ἀκρόασιν εὐπαθείασ ἀπολύειν ἀκρασίασ, ὡσ μόνασ ἀνθρωπικὰσ οὔσασ· "ταῖσ δ’ ἄλλαισ καὶ τὰ θηρία φύσιν ἔχοντα χρῆσθαι καὶ κοινωνεῖν. ὁρῶμεν γὰρ ὅτι καὶ μουσικῇ πολλὰ, κηλεῖται τῶν ἀλόγων, ὥσπερ ἔλαφοι σύριγξιν, ἵπποισ δὲ μιγνυμέναισ ἐπαυλεῖται νόμοσ, ὃν ἱππόθορον ὀνομάζουσιν ὁ δὲ Πίνδαρόσ φησι κεκινῆσθαι πρὸσ ᾠδήν ἁλίου δελφῖνοσ ὑπόκρισιν· "τὸν μὲν ἀκύμονοσ ἐν πόντου πελάγει αὐλῶν ἐκίνησ’ ἐρατὸν μέλοσ. "ὀρχούμενοι δὲ τοὺσ σκῶπασ αἱροῦσι, χαίροντασ τῇ ὄψει καὶ μιμητικῶσ ἅμα δεῦρο κἀκεῖσε τοὺσ ὤμουσ συνδιαφέροντασ. "οὐδὲν οὖν ὁρῶ τὰσ τοιαύτασ ἡδονὰσ ἴδιον ἐχούσασ, ἢ ὅτι μόναι τῆσ ψυχῆσ εἰσιν, αἱ δ’ ἄλλαι τοῦ σώματοσ καὶ περὶ τὸ σῶμα καταλήγουσι· "μέλοσ δὲ καὶ ῥυθμὸσ καὶ ὄρχησισ καὶ ᾠδὴ παραμειψάμεναι τὴν αἴσθησιν, ἐν τῷ χαίροντι τῆσ ψυχῆσ ἀπερείδονται τὸ ἐπιτερπὲσ καὶ γαργαλίζον. "ὅθεν οὐδεμία τῶν τοιούτων ἡδονῶν ἀπόκρυφόσ ἐστιν οὐδὲ σκότουσ δεομένη καὶ τῶν τοίχων περιθεόντων, ὡσ οἱ Κυρηναϊκοὶ λέγουσιν· "ἀλλὰ καὶ στάδια ταύταισ καὶ θέατρα ποιεῖται· "καὶ τὸ μετὰ πολλῶν θεάσασθαί τι καὶ ἀκοῦσαι ἐπιτερπέστερόν ἐστι καὶ σεμνότερον, οὐκ ἀκρασίασ δήπου καὶ ἡδυπαθείασ ἀλλ’ ἐλευθερίου διατριβῆσ καὶ ἀστείασ μάρτυρασ ἡμῶν ὅτι πλείστουσ λαμβανόντων. ταῦτα τοῦ Καλλιστράτου εἰπόντοσ, ὁ Λαμπρίασ ὁρῶν ἔτι μᾶλλον ἐκείνουσ τοὺσ τῶν·

"τὸ αἴτιον, ὦ παῖ Λέοντοσ, ἀλλά μοι δοκοῦσιν οὐκ ὀρθῶσ οἱ παλαιοὶ παῖδα Λήθησ τὸν Διόνυσον ἔδει γὰρ πατέρα προσαγορεύειν ὑφ’ οὗ καὶ σὺ νῦν ἀμνημονεῖν ἐοίκασ, ὅτι τῶν περὶ τὰσ ἡδονὰσ ἁμαρτανομένων τὰ μὲν ἀκρασία τὰ δ’ ἄγνοια ποιεῖ καὶ παρόρασισ.

"ὅπου μὲν γὰρ ἡ βλάβη πρόδηλόσ ἐστι, ταῦτ’ ἀκρασίᾳ καταβιαζόμενοι τὸν λογισμὸν ἐξαμαρτάνουσιν· "ὅσα δ’ οὐκ εὐθὺσ οὐδὲ παραχρῆμα τῆσ ἀκολασίασ τὸν μισθὸν ἐπιτίθησι, ταῦθ’ ὑπ’ ἀγνοίασ τοῦ βλάπτοντοσ αἱροῦνται καὶ πράττουσι. "διὸ τοὺσ μὲν περὶ ἐδωδὰσ καὶ ἀφροδίσια καὶ πότουσ ἀστοχοῦντασ, οἷσ νόσοι τε πολλαὶ καὶ χρημάτων ὄλεθροι συνακολουθοῦσι καὶ τὸ κακῶσ ἀκούειν, ἀκρατεῖσ προσαγορεύομεν ὡσ Θεοδέκτην ἐκεῖνον εἰπόντα χαῖρε φίλον φῶσ ὀφθαλμιῶντα, τῆσ ἐρωμένησ ἐπιφανείσησ· "ἢ τὸν Ἀβδηρίτην Ἀνάξαρχον, ὅσ ῥα καὶ εἰδώσ, ὡσ φάσαν, ἄθλιοσ ἔσκε· "φύσισ δέ μιν ἔμπαλιν ἦγεν ἡδονοπλήξ, τῇ πλεῖστοι ὑποτρείουσι σοφιστῶν. ὅσαι δὲ τῶν ἡδονῶν τοὺσ περὶ γαστέρα καὶ αἰδοῖα καὶ γεῦσιν καὶ ὄσφρησιν ἀντιτεταγμένουσ αὐταῖσ καὶ ὅπωσ οὐχ ἁλώσονται προσέχοντασ, ἐκπεριοδεύουσαι περὶ τὰ ὄμματα καὶ τὰ ὦτα λανθάνουσιν ἐνῳκισμέναι καὶ λοχῶσαι, τούτουσ ἐκείνων οὐδὲν ἧττον ἐμπαθεῖσ ὄντασ καὶ ἀκολάστουσ ἀκρατεῖσ ὁμοίωσ οὐ καλοῦμεν· "οὐ γὰρ εἰδότεσ ἀλλὰ δι’ ἀπειρίαν ὑποφέρονται, καὶ νομίζουσι τῶν ἡδονῶν εἶναι κρείττονεσ, ἂν ἐν θεάτροισ ἄσιτοι καὶ ἄποτοι διημερεύσωσιν ὥσπερ εἰ τῶν κεραμίων μέγα φρονοίη τὸ μὴ ἀπὸ τῆσ γαστρὸσ αἰρόμενον ἢ τοῦ πυθμένοσ, ἐκ δὲ τῶν ὤτων ῥᾳδίωσ μεταφερόμενον. "ὅθεν Ἀρκεσίλαοσ οὐδὲν ἔφη διαφέρειν τοῖσ ὄπισθεν εἶναι κίναιδον ἢ τοῖσ ἔμπροσθεν. "δεῖ δὲ καὶ τὴν ἐν ὄμμασι καὶ τὴν ἐν ὠσὶ γαργαλίζουσαν μαλακίαν καὶ ἡδυπάθειαν φοβεῖσθαι, καὶ μήτε πόλιν ἀνάλωτον νομίζειν τὴν τὰσ ἄλλασ πύλασ βαλανάγραισ καὶ μοχλοῖσ καὶ καταρράκταισ ὀχυρὰσ ἔχουσαν, ἂν διὰ μιᾶσ οἱ πολέμιοι παρελθόντεσ ἔνδον εἰσίν· "μήθ’ ἑαυτὸν ἀήττητον ὑφ’ ἡδονῆσ, εἰ μὴ κατὰ τὸ Ἀφροδίσιον ἀλλὰ κατὰ τὸ Μουσεῖον ἑάλωκεν ἢ τὸ θέατρον· "ὁμοίωσ γὰρ ἐγκέκλικε καὶ παρέδωκε ταῖσ ἡδοναῖσ ἄγειν καὶ φέρειν τὴν ψυχήν· "αἱ δὲ παντὸσ ὀψοποιοῦ καὶ μυρεψοῦ καὶ δριμύτερα καὶ ποικιλώτερα φάρμακα τῶν μελῶν καὶ τῶν ῥυθμῶν καταχεόμεναι τούτοισ ἄγουσιν ἡμᾶσ καὶ διαφθείρουσιν, αὑτῶν τρόπον τινὰ καταμαρτυροῦντασ τῶνδε γὰρ οὔτε τι μεμπτὸν οὔτ’ ὦν μεταλλάττον ὡσ Πίνδαροσ ἔφη τῶν ἐπὶ ταῖσ τραπέζαισ, ὅσσ’ ἀγλαὰ χθὼν πόντου τε ῥιπαὶ φέρουσιν ἄρτι παρακειμένων. "ἀλλ’ οὔτ’ ὄψον οὐδὲν οὔτε σιτίον οὔθ’ ὁ βέλτιστοσ οὑτοσὶ πινόμενοσ οἶνοσ ἐξήγαγεν ὑφ’ ἡδονῆσ φωνήν, οἱών ἄρτι τὰ αὐλήματα καὶ τὰ κρούματα τὴν οἰκίαν, εἰ μὴ καὶ τὴν πόλιν ἅπασαν, ἐμπέπληκε θορύβων καὶ κρότων καὶ ἀλαλαγμῶν. διὸ δεῖ μάλιστα ταύτασ εὐλαβεῖσθαι τὰσ ἡδονάσ· "ἰσχυρόταται γάρ εἰσιν, ἅτε δὴ μή, καθάπερ αἱ περὶ γεῦσιν καὶ ἁφὴν καὶ ὄσφρησιν, εἰσ τὸ ἄλογον καὶ φυσικὸν ἀποτελευτῶσαι τῆσ ψυχῆσ, ἀλλὰ τοῦ κρίνοντοσ ἁπτόμεναι καὶ τοῦ φρονοῦντοσ· "ἔπειτα ταῖσ μὲν ἄλλαισ ἡδυπαθείαισ κἂν ὁ λογισμὸσ ἐλλίπῃ διαμαχόμενοσ, ἀλλὰ τῶν παθῶν ἔνια πολλάκισ ἐμποδών ἐστι· "καὶ γὰρ ἐν ἰχθύων ἀγορᾷ μικρολογία καθαιρεῖ δάκτυλον ὀψοφάγου καὶ πολυτελοῦσ ἑταίρασ ἀπέστρεψε φιλαργυρία φιλογυνίαν· "ὥσπερ ἀμέλει παρὰ τῷ Μενάνδρῳ τῶν συμποτῶν ἕκαστοσ ἐπιβουλευόμενοσ ὑπὸ τοῦ πορνοβοσκοῦ σοβαράν τινα παιδίσκην ἐπάγοντοσ αὐτοῖσ κύψασ καθ’ ἑαυτὸν τῶν τραγημάτων ἔφλα· "χαλεπὸν γὰρ ὁ δανεισμὸσ τῆσ ἀκρασίασ κόλασμα καὶ τὸ λῦσαι βαλλάντιον οὐ πάνυ ῥᾴδιον· "ταύταισ δὲ ταῖσ ἐλευθερίαισ λεγομέναισ περὶ ὦτα καὶ ὄμματα φιλομούσοισ καὶ φιλαύλοισ μουσομανίαισ προῖκα καὶ ἀμισθὶ τῶν ἡδονῶν πάρεστι πολλαχόθεν ἀρύτεσθαι καὶ ἀπολαύειν, ἐν ἀγῶσιν, ἐν θεάτροισ, ἐν συμποσίοισ, ἑτέρων χορηγούντων· "ὅθεν ἕτοιμον τὸ διαφθαρῆναι τοῖσ μὴ βοηθοῦντα καὶ παιδαγωγοῦντα τὸν λογισμὸν ἔχουσι. "ποιοῦντα τὸν λογισμὸν ἢ τί λέγοντα βοηθεῖν ἀξιοῦμεν;

"οὐ γὰρ ἀμφωτίδασ γε περιθήσει τὰσ Ξενοκράτουσ ἡμῖν οὐδ’ ἀναστήσει μεταξὺ δειπνοῦντασ, ἐὰν αἰσθώμεθα λύραν ἁρμοζομένην ἢ κινούμενον αὐλόν. εἶπεν ὁ Λαμπρίασ" ἀλλ’ ὁσάκισ ἂν εἰσ τὰσ Σειρῆνασ ἐμπέσωμεν, ἐπικαλεῖσθαι δεῖ τὰσ Μούσασ καὶ καταφεύγειν εἰσ τὸν Ἑλικῶνα τὸν τῶν παλαιῶν.

ἐρῶντι μὲν γὰρ πολυτελοῦσ οὐκ ἔστι τὴν Πηνελόπην προσαγαγεῖν οὐδὲ συνοικίσαι τὴν Πάνθειαν· "ἀποκλυζόμενον.

τῶν ἱερῶν καὶ σεμνῶν ἐκείνων γραμμάτων ἀναμιμνησκόμενοι καὶ παραβάλλοντεσ ᾠδὰσ καὶ ποιήματα καὶ λόγουσ κοινοὺσ οὐκ ἐκπλαγησόμεθα παντάπασιν ὑπὸ τούτου, οὐδὲ πλαγίουσ παραδώσομεν ἑαυτοὺσ ὥσπερ ὑπὸ ῥεύματοσ λείου φέρεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 7, ὅτι δεῖ μάλιστα τὰσ διὰ κακομουσίασ ἡδονὰσ φυλάττεσθαι, καὶ πῶσ φυλακτέον.

(플루타르코스, Quaestiones Convivales, book 7, ὅτι δεῖ μάλιστα τὰσ διὰ κακομουσίασ ἡδονὰσ φυλάττεσθαι, καὶ πῶσ φυλακτέον.)

상위

목록

SEARCH

MENU NAVIGATION