헬라어 텍스트

Plutarch, Quaestiones Romanae, section 102

(플루타르코스, Quaestiones Romanae, section 102)

"διὰ τί τῶν παίδων τοῖσ μὲν ἄρρεσιν ἐναταίοισ, τοῖσ δὲ θήλεσιν ὀγδοαίοισ τὰ ὀνόματα τίθενται; ἢ τὸ μὲν προτέροισ τοῖσ θήλεσιν αἰτίαν ἔχει τὴν φύσιν; καὶ γὰρ αὔξεται τὸ θῆλυ καὶ ἀκμάζει καὶ τελειοῦται πρότερον τοῦ ἄρρενοσ. τῶν δ’ ἡμερῶν τὰσ μετὰ τὴν ἑβδόμην λαμβάνουσιν· ἡ γὰρ ἑβδόμη σφαλερὰ τοῖσ νεογνοῖσ πρόσ τε τἄλλα καὶ τὸν ὀμφαλόν· ἑβδομαῖοσ γὰρ ἀπολύεται τοῖσ πλείστοισ· ἑώσ δ’ ἀπολυθῇ, φυτῷ μᾶλλον ἢ ζῴῳ προσέοικε τὸ νήπιον. ἢ καθάπερ οἱ Πυθαγορικοὶ τοῦ ἀριθμοῦ τὸν μὲν ἄρτιον θῆλυν ἄρρενα δὲ τὸν περιττὸν ἐνόμιζον;

γόνιμοσ γάρ ἐστι καὶ κρατεῖ τοῦ ἀρτίου συντιθέμενοσ, καὶ διαιρουμένων εἰσ τὰσ μονάδασ ὁ μὲν ἄρτιοσ καθάπερ τὸ θῆλυ χώραν μεταξὺ κενὴν ἐνδίδωσι, τοῦ δὲ περιττοῦ μόριον ἀεί τι πλῆρεσ ὑπολείπεται· διὸ τὸν μὲν ἄρρενι τὸν δὲ θήλει πρόσφορον νομίζουσιν. ἢ ὅτι τῶν ἀριθμῶν ἁπάντων τὰ μὲν ἐννέα πρῶτόσ ἐστι, τετράγωνοσ ἀπὸ περιττοῦ καὶ τελείου τῆσ τριάδοσ, τὰ δ’ ὀκτὼ πρῶτοσ κύβοσ ἀπὸ ἀρτίου τῆσ δυάδοσ; δεῖ δὲ τὸν μὲν ἄνδρα τετράγωνον εἶναι καὶ περιττὸν καὶ τέλειον, τὴν δὲ γυναῖκα καθάπερ τὸν κύβον ἑδραῖον καὶ οἰκουρὸν καὶ δυσμετακίνητον. τοῦτο δὲ προσληπτέον ὅτι τὰ μὲν ὀκτὼ κύβοσ ἐστὶν ἀπὸ δυάδοσ, τὰ δ’ ἐννέα τετράγωνοσ ἀπὸ τριάδοσ·

χρῶνται δὲ δυσὶ μὲν ὀνόμασιν αἱ θήλειαι τρισὶ δ’ οἱ ἄρρενεσ.