헬라어 문장 검색 - Πλυταρ́Μυλιερύ27́

(플루타르코스, Mulierum virtutes, Ξενοκπίτη)

οὐχ ἧττον δ’ ἄν τισ ἀγάσαιτο τὴν Κυμαίαν Ξενοκρίτην ἐπὶ τοῖσ πραχθεῖσι περὶ Ἀριστόδημον τὸν τύραννον, ᾧ τινεσ Μαλακὸν ἐπίκλησιν οἰόνται γεγονέναι, τὸ ἀληθὲσ ἀγνοοῦντεσ. ἐπεκλήθη γὰρ ὑπὸ τῶν βαρβάρων Μαλακόσ, ὅπερ ἐστὶν ἀντίπαισ, ὅτι μειράκιον ὢν παντάπασι μετὰ τῶν ἡλίκων ἔτι κομώντων οὓσ κορωνιστὰσ ὡσ ἐοίκεν ἀπὸ τῆσ κόμησ ὠνόμαζον ἐν τοῖσ πρὸσ τοὺσ βαρβάρουσ πολέμοισ ἐπιφανὴσ ἦν καὶ λαμπρὸσ οὐ τόλμῃ μόνον οὐδὲ χειρὸσ ἔργοισ, ἀλλὰ καὶ συνέσει καὶ προνοίᾳ φανεὶσ περιττόσ. ὅθεν εἰσ τὰσ μεγίστασ προῆλθεν ἀρχὰσ θαυμαζόμενοσ ὑπὸ τῶν πολιτῶν, καὶ Ῥωμαίοισ ἐπικουρίαν ἄγων ἐπέμφθη πολεμουμένοισ ὑπὸ τῶν Τυρρηνῶν Ταρκύνιον Σούπερβον ἐπὶ τὴν βασιλείαν καταγόντων. ἐν ταύτῃ δὲ τῇ στρατείᾳ μακρᾷ γενομένῃ πάντῃ πρὸσ χάριν ἐνδιδοὺσ τοῖσ στρατευομένοισ τῶν πολιτῶν καὶ δημαγωγῶν μᾶλλον ἢ στρατηγῶν ἔπεισεν αὐτοὺσ συνεπιθέσθαι τῇ βουλῇ καὶ συνεκβαλεῖν τοὺσ ἀρίστουσ καὶ δυνατωτάτουσ.

ἐκ δὲ τούτου γενόμενοσ τύραννοσ ἦν μὲν ἐν ταῖσ περὶ γυναῖκασ καὶ παῖδασ ἐλευθέρουσ ἀδικίαισ αὐτὸσ ἑαυτοῦ μοχθηρότεροσ. ἱστόρηται γὰρ ὅτι τοὺσ μὲν ἄρρενασ παῖδασ ἤσκει κομᾶν καὶ χρυσοφορεῖν, τὰσ δὲ θηλείασ ἠνάγκαζε περιτρόχαλα κείρεσθαι καὶ φορεῖν ἐφηβικὰσ χλαμύδασ καὶ τῶν ἀνακώλων χιτωνίσκων. οὐ μὴν ἀλλ’ ἐξαιρέτωσ ἐρασθεὶσ τῆσ Ξενοκρίτησ εἶχεν αὐτὴν φυγάδοσ οὖσαν πατρόσ, οὐ καταγαγὼν οὐδὲ πείσασ ἐκεῖνον, ἀλλ’ ὁπωσοῦν ἡγούμενοσ ἀγαπᾶν συνοῦσαν αὐτῷ τὴν κόρην, ἅτε δὴ ζηλουμένην καὶ μακαριζομένην ὑπὸ τῶν πολιτῶν.

τὴν δὲ ταῦτα μὲν οὐκ ἐξέπληττεν ἀχθομένη δ’ ἐπὶ τῷ συνοικεῖν ἀνέκδοτοσ καὶ ἀνέγγυοσ οὐδὲν ἧττον ἐπόθει τῶν μισουμένων ὑπὸ τοῦ τυράννου τὴν τῆσ πατρίδοσ ἐλευθερίαν. ἔτυχε δὲ κατ’ ἐκεῖνο καιροῦ τάφρον ἄγων ’κύκλῳ περὶ τὴν χώραν ὁ Ἀριστόδημοσ, οὔτ’ ἀναγκαῖον ἔργον οὔτε χρήσιμον, ἄλλωσ δὲ τρίβειν καὶ ἀποκναίειν πόνοισ καὶ ἀσχολίαισ τοὺσ πολίτασ βουλόμενοσ ἦν γὰρ προστεταγμένον ἑκάστῳ μέτρων τινῶν ἀριθμὸν ἐκφέρειν τῆσ γῆσ. γυνὴ δέ τισ ὡσ εἶδεν ἐπιόντα τὸν Ἀριστόδημον, ἐξέκλινε καὶ παρεκαλύψατο τῷ χιτωνίσκῳ τὸ πρόσωπον. ἀπελθόντοσ οὖν τοῦ Ἀριστοδήμου, σκώπτοντεσ οἱ νεανίσκοι καὶ παίζοντεσ ἠρώτων ὅ τι δὴ μόνον ὑπ’ αἰδοῦσ φύγοι τὸν Ἀριστόδημον, πρὸσ δὲ τοὺσ ἄλλουσ οὐδὲν πάθοι τοιοῦτον·

"Κυμαίων Ἀριστόδημοσ ἀνήρ ἐστι. τοῦτο γὰρ λεχθὲν τὸ ῥῆμα πάντων μὲν ἥψατο, τοὺσ δὲ γενναίουσ καὶ παρώξυνεν αἰσχύνῃ τῆσ ἐλευθερίασ ἀντέχεσθαι. λέγεται δὲ καὶ Ξενοκρίτην ἀκούσασαν εἰπεῖν, ὡσ ἐβούλετ’ ἂν καὶ αὐτὴ γῆν ὑπὲρ τοῦ πατρὸσ φέρειν παρόντοσ ἢ τρυφῆσ συμμετέχειν Ἀριστοδήμῳ καὶ δυνάμεωσ τοσαύτησ.

ἐπέρρωσεν οὖν ταῦτα τοὺσ συνισταμένουσ ἐπὶ τὸν Ἀριστόδημον, ὧν ἡγεῖτο Θυμοτέλησ· καὶ τῆσ Ξενοκρίτησ εἰσόδου παρεχούσησ αὐτοῖσ ἄδειαν καὶ τὸν Ἀριστόδημον ἄνοπλον καὶ ἀφύλακτον, οὐ χαλεπῶσ παρεισπεσόντεσ διαφθείρουσιν αὐτόν. οὕτω μὲν ἡ Κυμαίων πόλισ ἠλευθερώθη δυοῖν ἀρετῇ γυναικῶν, τῆσ μὲν ἐπίνοιαν αὐτοῖσ καὶ ὁρμὴν ἐμβαλούσησ τοῦ ἔργου, τῆσ δὲ πρὸσ τὸ τέλοσ συλλαβομένησ. προτεινομένων ἐάσασα πάσασ ἓν ᾐτήσατο, θάψαι τὸ σῶμα τοῦ Ἀριστοδήμου καὶ τοῦτ’ οὖν ἔδοσαν αὐτῇ καὶ Δήμητροσ ἱέρειαν αὐτὴν εἵλοντο, οὐχ ἧττον οἰόμενοι τῇ θεῷ κεχαρισμένην ἢ πρέπουσαν ἐκείνῃ τιμὴν ἔσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Ξενοκπίτη

(플루타르코스, Mulierum virtutes, Ξενοκπίτη)

상위

목록

SEARCH

MENU NAVIGATION