헬라어 문장 검색 - Πλυταρ́Μυλιερύ05́

(플루타르코스, Mulierum virtutes, Ἀργεῖαι)

οὐδενὸσ δ’ ἧττον ἔνδοξόν ἐστι τῶν κοινῇ διαπεπραγμένων γυναιξὶν ἔργων ὁ πρὸσ Κλεομένη περὶ Ἄργουσ ἀγών, ὃν ἠγωνίσαντο, Τελεσίλλησ τῆσ ποιητρίασ προτρεψαμένησ. ταύτην δέ φασιν οἰκίασ οὖσαν ἐνδόξου τῷ δὲ σώματι νοσηματικὴν εἰσ θεοῦ πέμψαι περὶ ὑγιείασ· καὶ χρησθὲν αὐτῇ Μούσασ θεραπεύειν, πειθομένην τῷ θεῷ καὶ ἐπιθεμένην ἐν ᾠδῇ καὶ ἁρμονίᾳ τοῦ τε πάθουσ ἀπαλλαγῆναι ταχὺ καὶ θαυμάζεσθαι διὰ ποιητικὴν ὑπὸ τῶν γυναικῶν.

ἐπεὶ δὲ Κλεομένησ ὁ βασιλεὺσ τῶν Σπαρτιατῶν πολλοὺσ ἀποκτείνασ οὐ μήν, ὡσ ἔνιοι μυθολογοῦσιν, ἑπτὰ καὶ ἑβδομήκοντα καὶ ἑπτακοσίουσ πρὸσ ἑπτακισχιλίοισ ἐβάδιζε πρὸσ τὴν πόλιν, ὁρμὴ καὶ τόλμα δαιμόνιοσ παρέστη ταῖσ ἀκμαζούσαισ τῶν γυναικῶν ἀμύνεσθαι τοὺσ πολεμίουσ ὑπὲρ τῆσ πατρίδοσ. ἡγουμένησ δὲ τῆσ Τελεσίλλησ, ὅπλα λαμβάνουσι καὶ παρ’ ἔπαλξιν ἱστάμεναι κύκλῳ τὰ τείχη περιέστεψαν, ὥστε θαυμάζειν τοὺσ πολεμίουσ. τὸν μὲν οὖν Κλεομένη πολλῶν πεσόντων ἀπεκρούσαντο·

τὸν δ’ ἕτερον βασιλέα Δημάρατον, ὡσ Σωκράτησ φησίν, ἐντὸσ γενόμενον καὶ κατασχόντα τὸ Παμφυλιακὸν ἐξέωσαν, οὕτω δὲ τῆσ πόλεωσ περιγενομένησ, τὰσ μὲν πεσούσασ ἐν τῇ μάχῃ τῶν γυναικῶν ἐπὶ τῆσ ὁδοῦ τῆσ Ἀργείασ ἔθαψαν, ταῖσ δὲ σωθείσαισ ὑπόμνημα τῆσ ἀριστείασ ἔδοσαν ἱδρύσασθαι τὸν Ἐνυάλιον. τὴν δὲ μάχην οἱ μὲν ἑβδόμῃ λέγουσιν ἱσταμένου μηνόσ, οἱ δὲ νουμηνίᾳ γενέσθαι τοῦ νῦν μὲν τετάρτου, πάλαι δὲ Ἑρμαίου παρ’ Ἀργείοισ, καθ’ ἣν μέχρι νῦν τὰ Ὑβριστικὰ τελοῦσι, γυναῖκασ μὲν ἀνδρείοισ χιτῶσι καὶ χλαμύσιν, ἄνδρασ δὲ πέπλοισ γυναικῶν καὶ καλύπτραισ ἀμφιεννύντεσ. ἐπανορθούμενοι δὲ τὴν ὀλιγανδρίαν, οὐχ ὡσ Ἡρόδοτοσ ἱστορεῖ τοῖσ δούλοισ, ἀλλὰ τῶν περιοίκων ποιησάμενοι πολίτασ τοὺσ ἀρίστουσ, συνῴκισαν τὰσ γυναῖκασ·

ἐδόκουν δὲ καὶ τούτουσ ἀτιμάζειν καὶ περιορᾶν ἐν τῷ συγκαθεύδειν ὡσ χείρονασ. ὅθεν ἔθεντο νόμον τὸν κελεύοντα πώγωνα δεῖν ἐχούσασ συναναπαύεσθαι τοῖσ ἀνδράσι τὰσ γεγαμημένασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Mulierum virtutes, Ἀργεῖαι

(플루타르코스, Mulierum virtutes, Ἀργεῖαι)

상위

목록

SEARCH

MENU NAVIGATION