헬라어 문장 검색 - Πλυταρ́Μαρξελλ́20́

(플루타르코스, Marcellus, chapter 20)

τῶν δὲ Ῥωμαίων τοῖσ ἐκτὸσ ἀνθρώποισ δεινῶν μὲν εἶναι πόλεμον μεταχειρίσασθαι καὶ φοβερῶν εἰσ χεῖρασ ἐλθεῖν νομιζομένων, εὐγνωμοσύνησ δὲ καὶ φιλανθρωπίασ καὶ ὅλωσ πολιτικῆσ ἀρετῆσ ὑποδείγματα μὴ δεδωκότων, πρῶτοσ δοκεῖ τότε Μάρκελλοσ ὑποδεῖξαι τοῖσ Ἕλλησι δικαιοτέρουσ Ῥωμαίουσ, οὕτω γὰρ ἐχρῆτο τοῖσ συμβάλλουσι καὶ τοσαῦτα καὶ πόλεισ καὶ ἰδιώτασ εὐεργέτησεν ὥστε, εἴ τι περὶ Ἔνναν ἢ Μεγαρεῖσ ἢ Συρακουσίουσ ἔργον ἦν εἰργασμένον οὐκ ἐπιεικὲσ αὐτοῖσ, τοῦτο τῶν πεπονθότων αἰτίᾳ μᾶλλον ἢ τῶν πεποιηκότων δοκεῖν γεγονέναι. μνησθήσομαι δὲ ἑνὸσ ἀπὸ πολλῶν, πόλισ ἐστι τῆσ Σικελίασ Ἐγγύϊον οὐ μεγάλη, ἀρχαία δὲ πάνυ καὶ διὰ θεῶν ἐπιφάνειαν ἔνδοξοσ, ἃσ καλοῦσι Ματέρασ.

ἵδρυμα λέγεται Κρητῶν γενέσθαι τὸ ἱερόν καὶ λόγχασ τινὰσ ἐδείκνυσαν καὶ κράνη χαλκᾶ, τὰ μὲν ἔχοντα Μηριόνου, τὰ δὲ Οὐλίξου, τουτέστιν Ὀδυσσέωσ, ἐπιγραφάσ, ἀνατεθεικότων ταῖσ θεαῖσ.

ταύτην προθυμότατα καρχηδονίζουσαν Νικίασ, ἀνὴρ πρῶτοσ τῶν πολιτῶν, ἔπειθε μεταθέσθαι πρὸσ Ῥωμαίουσ, ἀναφανδὸν ἐν ταῖσ ἐκκλησίαισ παρρησιαζόμενοσ καὶ κακῶσ φρονοῦντασ ἐξελέγχων τοὺσ ὑπεναντίουσ. οἱ δὲ φοβούμενοι τὴν δύναμιν αὐτοῦ καὶ τὴν δόξαν ἐβουλεύσαντο συναρπάσαι καὶ παραδοῦναι τοῖσ Φοίνιξιν.

γεγονότων δὲ τῶν πρὸσ τὴν σύλληψιν ἑτοίμων ἦν μὲν ἐκκλησία τῶν πολιτῶν, ὁ δὲ Νικίασ μεταξύ τι λέγων καὶ συμβουλεύων πρὸσ τὸν δῆμον ἐξαίφνησ ἀφῆκεν εἰσ τὴν γῆν τὸ σῶμα, καὶ μικρὸν διαλιπών, οἱο͂ν εἰκὸσ, ἡσυχίασ σὺν ἐκπλήξει γενομένησ, τὴν κεφαλὴν ἐπάρασ καὶ περιενεγκὼν, ὑποτρόμῳ φωνῇ καὶ βαρείᾳ, κατὰ μικρὸν συντείνων καὶ παροξύνων τὸν ἦχον, ὡσ ἑώρα φρίκῃ καὶ σιωπῇ κατεχόμενον τὸ θέατρον, ἀπορρίψασ τὸ ἱμάτιον καὶ περιρρηξάμενοσ τὸν χιτωνίσκον, ἡμίγυμνοσ ἀναπηδήσασ ἔθεε πρὸσ τὴν ἔξοδον τοῦ θεάτρου, βοῶν ὑπὸ τῶν Ματέρων ἐλαύνεσθαι.

μηδενὸσ δὲ τολμῶντοσ ἅψασθαι μηδὲ ἀπαντῆσαι διὰ δεισιδαιμονίαν, ἀλλ’ ἐκτρεπομένων, ἐπὶ τὰσ πύλασ ἐξέδραμεν, οὔτε φωνῆσ τινοσ οὔτε κινήσεωσ πρεπούσησ δαιμονῶντι καὶ παραφρονοῦντι φεισάμενοσ.

ἡ δὲ γυνὴ συνειδυῖα καὶ συντεχνάζουσα τῷ ἀνδρί, λαβοῦσα τὰ παιδία πρῶτον μὲν ἱκέτισ προσεκυλινδεῖτο τοῖσ μεγάροισ τῶν θεῶν, ἔπειτα πλανώμενον ἐκεῖνον προσποιουμένη ζητεῖν κωλύοντοσ οὐδενὸσ ἀσφαλῶσ ἀπῆλθεν ἐκ τῆσ πόλεωσ, καὶ διεσώθησαν μὲν οὕτωσ εἰσ Συρακούσασ πρὸσ Μάρκελλον ἐπεὶ δὲ πολλὰ τοὺσ Ἐγγυϊούσ ὑβρίσαντασ καὶ πλημμελήσαντασ ἐλθὼν Μάρκελλοσ ἔδησε πάντασ ὡσ τιμωρησόμενοσ, ὁ δὲ Νικίασ ἐδάκρυσε παρεστώσ, τέλοσ δὲ χειρῶν καὶ γονάτων ἁπτόμενοσ παρῃτεῖτο τοὺσ πολίτασ, ἀπὸ τῶν ἐχθρῶν ἀρξάμενοσ, ἐπικλασθεὶσ ἀφῆκε πάντασ καὶ τὴν πόλιν οὐδὲν ἠδίκησε, τῷ δὲ Νικίᾳ χώραν τε πολλὴν καὶ δωρεὰσ πολλὰσ ἔδωκε. ταῦτα μὲν οὖν Ποσειδώνιοσ ὁ φιλόσοφοσ ἱστόρησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 20

(플루타르코스, Marcellus, chapter 20)

상위

목록

SEARCH

MENU NAVIGATION