헬라어 문장 검색 - Πλυταρ́Μαρξελλ́14́

(플루타르코스, Marcellus, chapter 14)

τότε δ’ ἐν Σικελίᾳ πρῶτον μὲν ἀδικηθεὶσ ὑπὸ Ἱπποκράτουσ στρατηγοῦ στρατηγοῦ, ὃσ Καρχηδονίοισ χαριζόμενοσ καὶ τυραννίδα κτώμενοσ αὑτῷ πολλοὺσ διέφθειρε Ῥωμαίων πρὸσ Λεοντίνοισ, εἷλε τὴν τῶν Λεοντίνων πόλιν κατὰ κράτοσ, καὶ Λεοντίνουσ μὲν οὐκ ἠδίκησε, τῶν δὲ αὐτομόλων ὅσουσ ἔλαβε μαστιγώσασ ἀπέκτεινε. τοῦ δ’ Ἱπποκράτουσ πρῶτον μὲν λόγον εἰσ τὰσ Συρακούσασ προπέμψαντοσ ὡσ Λεοντίνουσ ἡβηδὸν ἀποσφάττει Μάρκελλοσ, ἔπειτα δὲ τεταραγμένοισ ἐπιπεσόντοσ καὶ τὴν πόλιν καταλαβόντοσ, ἄρασ Μάρκελλοσ τῷ στρατῷ παντὶ πρὸσ τὰσ Συρακούσασ ἐχώρει.

καὶ καταστρατοπεδεύσασ πλησίον εἰσέπεμψε μὲν πρέσβεισ περὶ τῶν ἐν Λεοντίνοισ διδάξοντασ, ὡσ δὲ οὐδὲν ἦν ὄφελοσ μὴ πειθομένων Συρακουσίων ἐκράτουν γὰρ οἱ περὶ τὸν Ἱπποκράτην, προσβολὰσ ἐποιεῖτο κατὰ γῆν ἅμα καὶ κατὰ θάλατταν, Ἀππίου μὲν τὸν πεζὸν ἐπάγοντοσ στρατόν, αὐτὸσ δὲ πεντήρεισ ἔχων ἑξήκοντα παντοδαπῶν ὅπλων καὶ βελῶν πλήρεισ, ὑπὲρ δὲ μεγάλου ζεύγματοσ νεῶν ὀκτὼ πρὸσ ἀλλήλασ συνδεδεμένων μηχανὴν ἄρασ ἐπέπλει πρὸσ τὸ τεῖχοσ, τῷ πλήθει καὶ τῇ λαμπρότητι τῆσ παρασκευῆσ καὶ τῇ δόξῃ τῇ περὶ αὑτὸν πεποιθώσ· ἧσ ἄρα λόγοσ οὐδεὶσ ἦν Ἀρχιμήδει καὶ τοῖσ Ἀρχιμήδουσ μηχανήμασιν.

ὧν ὡσ μὲν ἔργον ἄξιον σπουδῆσ οὐδὲν ὁ ἀνὴρ προὔθετο, γεωμετρίασ δὲ παιζούσησ ἐγεγόνει πάρεργα τὰ πλεῖστα, πρότερον φιλοτιμηθέντοσ Ιἕρωνοσ τοῦ βασιλέωσ καὶ πείσαντοσ Ἀρχιμήδη τρέψαι τι τῆσ τέχνησ ἀπὸ τῶν νοητῶν ἐπὶ τὰ σωματικά καὶ τὸν λόγον ἁμῶσ γέ πωσ δι’ αἰσθήσεωσ μίξαντα ταῖσ χρείαισ ἐμφανέστερον καταστῆσαι τοῖσ πολλοῖσ.

τὴν γὰρ ἀγαπωμένην ταύτην καὶ περιβόητον ὀργανικὴν ἤρξαντο μὲν κινεῖν οἱ περὶ Εὔδοξον καὶ Ἀρχύταν, ποικίλλοντεσ τῷ γλαφυρῷ γεωμετρίαν, καὶ λογικῆσ καὶ γραμμικῆσ ἀποδείξεωσ οὐκ εὐποροῦντα προβλήματα δι’ αἰσθητῶν καὶ ὀργανικῶν παραδειγμάτων ὑπερείδοντεσ, ὡσ τὸ περὶ δύο μέσασ ἀνὰ λόγον πρόβλημα καὶ στοιχεῖον ἐπὶ πολ λὰ τῶν γραφομένων ἀναγκαῖον εἰσ ὀργανικὰσ ἐξῆγον ἀμφότεροι κατασκευάσ, μεσογράφουσ τινὰσ ἀπὸ καμπύλων γραμμῶν καὶ τμημάτων μεθαρμόζοντεσ·

ἐπεὶ δὲ Πλάτων ἠγανάκτησε καὶ διετείνατο πρὸσ αὐτούσ ὡσ ἀπολλύντασ καὶ διαφθείροντασ τὸ γεωμετρίασ ἀγαθόν, ἀπὸ τῶν ἀσωμάτων καὶ νοητῶν ἀποδιδρασκούσησ ἐπὶ τὰ αἰσθητά, καὶ προσχρωμένησ αὖθισ αὖ σώμασι πολλῆσ καὶ φορτικῆσ βαναυσουργίασ δεομένοισ, οὕτω διεκρίθη γεωμετρίασ ἐκπεσοῦσα μηχανική, καὶ περιορωμένη πολὺν χρόνον ὑπὸ φιλοσοφίασ μία τῶν στρατιωτίδων τεχνῶν ἐγεγόνει.

καὶ μέντοι καὶ Ἀρχιμήδησ, Ιἕρωνι τῷ βασιλεῖ συγγενὴσ ὢν καὶ φίλοσ, ἔγραψεν ὡσ τῇ δοθείσῃ δυνάμει τὸ δοθὲν βάροσ κινῆσαι δυνατόν ἐστι·

καὶ νεανιευσάμενοσ, ὥσ φασι, ῥώμῃ τῆσ ἀποδείξεωσ εἶπεν ὡσ, εἰ γῆν εἶχεν ἑτέραν, ἐκίνησεν ἂν ταύτην μεταβὰσ εἰσ ἐκείνην. θαυμάσαντοσ δὲ τοῦ Ιἕρωνοσ, καὶ δεηθέντοσ εἰσ ἔργον ἐξαγαγεῖν τὸ πρόβλημα καὶ δεῖξαί τι τῶν μεγάλων κινούμενον ὑπὸ σμικρᾶσ δυνάμεωσ, ὁλκάδα τριάρμενον τῶν βασιλικῶν πόνῳ μεγάλῳ καὶ χειρὶ πολλῇ νεωλκηθεῖσαν, ἐμβαλὼν ἀνθρώπουσ τε πολλοὺσ καὶ τὸν συνήθη φόρτον, αὐτὸσ ἄπωθεν καθήμενοσ, οὐ μετὰ σπουδῆσ, ἀλλὰ ἠρέμα τῇ χειρὶ σείων ἀρχήν τινα πολυσπάστου προσηγάγετο λείωσ καὶ ἀπταίστωσ καὶ ὥσπερ διὰ θαλάττησ ἐπιθέουσαν.

ἐκπλαγεὶσ οὖν ὁ βασιλεὺσ καὶ συννοήσασ τῆσ τέχνησ τὴν δύναμιν, ἔπεισε τὸν Ἀρχιμήδην ὅπωσ αὐτῷ τὰ μὲν ἀμυνομένῳ, τὰ δ’ ἐπιχειροῦντι μηχανήματα κατασκευάσῃ πρὸσ πᾶσαν ἰδέαν πολιορκίασ, οἷσ αὐτὸσ μὲν οὐκ ἐχρήσατο, τοῦ βίου τὸ πλεῖστον ἀπόλεμον καὶ πανηγυρικὸν βιώσασ, τότε δ’ ὑπῆρχε τοῖσ Συρακουσίοισ εἰσ δέον ἡ παρασκευή καὶ μετὰ τῆσ παρασκευῆσ ὁ δημιουργόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 14

(플루타르코스, Marcellus, chapter 14)

상위

목록

SEARCH

MENU NAVIGATION