헬라어 문장 검색 - Πλυταρ́Μαρξελλ́01́

(플루타르코스, Marcellus, chapter 1)

Μᾶρκον δὲ Κλαύδιον τὸν πεντάκισ ὑπατεύσαντα Ῥωμαίων Μάρκου μὲν υἱὸν γενέσθαι λέγουσι, κληθῆναι δὲ τῶν ἀπὸ τῆσ οἰκίασ πρῶτον Μάρκελλον, ὅπερ ἐστὶν Ἀρήϊον, ὥσ φησι Ποσειδώνιοσ. ἦν γὰρ τῇ μὲν ἐμπειρίᾳ πολεμικόσ, τῷ δὲ σώματι ῥωμαλέοσ, τῇ δὲ χειρὶ πλήκτησ, τῇ δὲ φύσει φιλοπόλεμοσ κἀν τούτῳ δὴ πολὺ τὸ γαῦρον καὶ ἀγέρωχον ἐπιφαίνων ἐν τοῖσ ἀγῶσι, τῷ δὲ ἄλλῳ τρόπῳ σώφρων, φιλάνθρωποσ, Ἑλληνικῆσ παιδείασ καὶ λόγων ἄχρι τοῦ τιμᾶν καὶ θαυμάζειν τοὺσ κατορθοῦντασ ἐραστήσ, αὐτὸσ δὲ ὑπ’ ἀσχολιῶν ἐφ’ ὅσον ἦν πρόθυμοσ ἀσκῆσαι καὶ μαθεῖν οὐκ ἐξικόμενοσ. οἳ νέοι μὲν ὄντεσ περὶ Σικελίαν Καρχηδονίοισ, ἀκμάζοντεσ δὲ Γαλάταισ ὑπὲρ αὐτῆσ Ἰταλίασ ἐπολέμουν, ἤδη δὲ γηρῶντεσ Ἀννίβᾳ πάλιν συνείχοντο καὶ Καρχηδονίοισ, οὐκ ἔχοντεσ, ὥσπερ οἱ πολλοὶ, διὰ γῆρασ ἀνάπαυσιν στρατειῶν, ἀλλ’ ἐπὶ στρατηγίασ πολέμων καὶ ἡγεμονίασ κατ’ εὐγένειαν καὶ ἀρετὴν ἀγόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 1

(플루타르코스, Marcellus, chapter 1)

상위

목록

SEARCH

MENU NAVIGATION