헬라어 문장 검색 - Πλυταρ́Λιϝεσ́38́

(플루타르코스, Lives, chapter 38)

ταύτην καὶ δὶσ γενέσθαι τὴν φωνὴν μυθολογοῦσιν, ἀγενήτοισ ὅμοια καὶ χαλεπὰ πεισθῆναι πείθοντεσ ἡμᾶσ. ἰδίοντα μὲν γὰρ ἀγάλματα φανῆναι καὶ δακρυρροοῦντα καί τινασ μεθιέντα νοτίδασ αἱματώδεισ οὐκ ἀδύνατόν ἐστι καὶ γὰρ ξύλα καὶ λίθοι πολλάκισ μὲν εὐρῶτα συνάγουσι γόνιμον ὑγρότητοσ, πολλὰσ δὲ χροιὰσ ἀνιᾶσιν ἐξ ἑαυτῶν, καὶ δέχονται βαφὰσ ἐκ τοῦ περιέχοντοσ, οἷσ ἔνια σημαίνειν τὸ δαιμόνιον οὐδὲν ἂν δόξειε κωλύειν. δυνατὸν δὲ καὶ μυγμῷ καὶ στεναγμῷ ψόφον ὅμοιον ἐκβάλλειν ἀγάλματα κατὰ ῥῆξιν ἢ διάστασιν μορίων βιαιοτέραν ἐν βάθει γενομένην ἔναρθρον δὲ φωνὴν καὶ διάλεκτον οὕτω σαφῆ καὶ περιττὴν καὶ ἀρτίστομον ἐν ἀψύχῳ γενέσθαι παντάπασιν ἀμήχανον, εἰ μηδὲ τὴν ψυχὴν καὶ τὸν θεὸν ἄνευ σώματοσ ὀργανικοῦ καὶ διηρμοσμένου μέρεσι λογικοῖσ γέγονεν ἠχεῖν καὶ διαλέγεσθαι.

ὅπου δ’ ἡμᾶσ ἡ ἱστορία πολλοῖσ ἀποβιάζεται καὶ πιθανοῖσ μάρτυσιν, ἀνόμοιον αἰσθήσει πάθοσ ἐγγινόμενον τῷ φανταστικῷ τῆσ ψυχῆσ συναναπείθει τὸ δόξαν, ὥσπερ ἐν ὕπνοισ ἀκούειν οὐκ ἀκούοντεσ καὶ βλέπειν οὐ βλέποντεσ δοκοῦμεν.

οὐ μὴν ἀλλὰ τοῖσ ὑπ’ εὐνοίασ καὶ φιλίασ πρὸσ τὸν θεὸν ἄγαν ἐμπαθῶσ ἔχουσι, καὶ μηδὲν ἀθετεῖν μηδ’ ἀναίνεσθαι τῶν τοιούτων δυναμένοισ, μέγα πρὸσ πίστιν ἐστὶ τὸ θαυμάσιον καὶ μὴ καθ’ ἡμᾶσ τῆσ τοῦ θεοῦ δυνάμεωσ, οὐδὲν γὰρ οὐδαμῶσ ἀνθρωπίνῳ προσέοικεν οὔτε φύσιν οὔτε κίνησιν οὔτε τέχνην οὔτ’ ἰσχύν, οὐδ’ εἴ τι ποιεῖ τῶν ἡμῖν ἀποιήτων καὶ μηχανᾶται τῶν ἀμηχάνων, παράλογόν ἐστιν, ἀλλὰ μᾶλλον ἐν πᾶσι διαφέρων πολύ μάλιστα τοῖσ ἔργοισ ἀνόμοιόσ ἐστι καὶ παρηλλαγμένοσ. ἀλλὰ τῶν μὲν θείων τὰ πολλά, καθ’ Ἡράκλειτον, ἀπιστίῃ διαφυγγάνει μὴ γινώσκεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 38

(플루타르코스, Lives, chapter 38)

상위

목록

SEARCH

MENU NAVIGATION