헬라어 문장 검색 - Πλυταρ́Λιϝεσ́33́

(플루타르코스, Lives, chapter 33)

ἐν δὲ τῇ Ῥώμῃ τότε τῶν γυναικῶν ἄλλαι μὲν πρὸσ ἄλλοισ ἱεροῖσ, αἱ δὲ πλεῖσται καὶ δοκιμώταται περὶ τὸν τοῦ Καπιτωλίου Διὸσ βωμὸν ἱκέτευον. ἐν δὲ ταύταισ ἦν ἡ Ποπλικόλα τοῦ μεγάλα καὶ πολλὰ Ῥωμαίουσ ἔν τε πολέμοισ καὶ πολιτείαισ ὠφελήσαντοσ ἀδελφὴ Οὐαλερία. Ποπλικόλασ μὲν οὖν ἐτεθνήκει πρότερον, ὡσ ἐν τοῖσ περὶ ἐκείνου γεγραμμένοισ ἱστορήκαμεν, ἡ δὲ Οὐαλερία δόξαν εἶχεν ἐν τῇ πόλει καὶ τιμήν, δοκοῦσα τῷ βίῳ μὴ καταισχύνειν τὸ γένοσ, ὅπερ οὖν λέγω πάθοσ ἐξαπίνησ παθοῦσα, καὶ κατ’ ἐπίνοιαν οὐκ ἀθείαστον ἁψαμένη τοῦ συμφέροντοσ, αὐτή τε ἀνέστη καὶ τὰσ ἄλλασ ἀναστήσασα πάσασ ἧκεν ἐπὶ τὴν οἰκίαν τῆσ τοῦ Μαρκίου μητρὸσ Οὐολουμνίασ. ὡσ δ’ εἰσῆλθε καὶ κατέλαβε μετὰ τῆσ νυοῦ καθεζομένην καὶ τὰ παιδία τοῦ Μαρκίου πρὸσ τοῖσ κόλποισ ἔχουσαν, ἐν κύκλῳ περιστήσασα τὰσ γυναῖκασ αὐτῆσ·

"ὦ Οὐολουμνία, καὶ σύ, Οὐεργιλία, γυναῖκεσ ἥκομεν πρὸσ γυναῖκασ, οὔτε βουλῆσ ψηφισαμένησ οὔτ’ ἄρχοντοσ κελεύσαντοσ, ἀλλ’ ὁ θεὸσ ἡμῶν, ὡσ ἐοίκεν, οἰκτείρασ τὴν ἱκετείαν, ὁρμὴν παρέστησε δευρὶ τραπέσθαι πρὸσ ὑμᾶσ καὶ δεηθῆναι σωτηρίαν μὲν αὑταῖσ καὶ τοῖσ ἄλλοισ πολίταισ, ὑμῖν δὲ πεισθείσαισ ἐπιφανεστέραν φέροντα δόξαν ἧσ αἱ Σαβίνων θυγατέρεσ ἔσχον, εἰσ φιλίαν καὶ εἰρήνην ἐκ πολέμων συναγαγοῦσαι πατέρασ καὶ ἄνδρασ.

"δεῦτε πρὸσ Μάρκιον ἰοῦσαι μεθ’ ἡμῶν συνάψασθε τῆσ ἱκετηρίασ, καὶ μαρτυρήσατε τῇ πατρίδι μαρτυρίαν ἀληθῆ καὶ δικαίαν, ὅτι πολλὰ πάσχουσα κακῶσ οὐδὲν οὔτ’ ἔπραξε δεινὸν οὔτ’ ἐβούλευσε περὶ ὑμῶν δι’ ὀργήν, ἀλλ’ ἀποδίδωσιν ὑμᾶσ ἐκείνῳ κἂν μηδενὸσ τυγχάνειν μέλλῃ τῶν ἐπιεικῶν. ταῦτα τῆσ Οὐαλερίασ εἰπούσησ ἀνεβόησαν αἱ λοιπαὶ γυναῖκεσ, ἠμείψατο δὲ ἡ Οὐολουμνία·

"καὶ τῶν κοινῶν ἡμῖν συμφορῶν, ὦ γυναῖκεσ, ἴσον μέτεστι, καὶ ἰδίᾳ πράττομεν κακῶσ ἀπολέσασαι τὴν Μαρκίου δόξαν καὶ ἀρετήν, τὸ σῶμα δ’ αὐτοῦ τοῖσ τῶν πολεμίων ὅπλοισ φρουρουμενον μᾶλλον ἡ σῳζόμενον ἐφορῶσαι. "μέγιστον δ’ ἡμῖν τῶν ἀτυχημάτων ἐστίν, εἰ τὰ τῆσ πατρίδοσ οὕτωσ ἐξησθένηκεν ὥστ’ ἐν ἡμῖν ἔχειν τὰσ ἐλπίδασ, οὐκ οἶδα γὰρ εἴ τινα ποιήσεται λόγον ἡμῶν ἐκεῖνοσ, εἴ γε μηδένα ποιεῖται τῆσ πατρίδοσ, ἣν καὶ μητρὸσ καὶ γυναικὸσ καὶ τέκνων προετίμησεν. "οὐ μὴν ἀλλὰ χρῆσθε ἡμῖν λαβοῦσαι καὶ κομίζετε πρὸσ ἐκεῖνον, εἰ μηδὲν ἄλλο, ταῖσ ὑπὲρ τῆσ πατρίδοσ ἱκεσίαισ ἐναποπνεῦσαι δυναμένασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 33

(플루타르코스, Lives, chapter 33)

상위

목록

SEARCH

MENU NAVIGATION