헬라어 문장 검색 - Πλυταρ́Λιϝεσ́31́

(플루타르코스, Lives, chapter 31)

τοῦτο δὴ πρῶτον αἰτίαμα τῶν Οὐολούσκων οἱ πάλαι βαρυνόμενοι τὴν δύναμιν αὐτὸν καὶ φθονοῦντεσ ἐλάμβανον· ὧν ἦν καὶ ὁ Τύλλοσ, ἰδίᾳ μὲν ὑπὸ τοῦ Μαρκίου μηδὲν ἀδικούμενοσ, ἐν δ’ ἀνθρωπίνῳ πάθει γεγονώσ. ὅθεν αἱ πρῶται κατηγορίαι κρύφα διεσπείροντο, καὶ συνιστάμενοι πρὸσ ἀλλήλουσ ἠγανάκτουν, καὶ προδοσίαν ἐκάλουν τὴν ἀνάζευξιν, οὐ τειχῶν οὐδ’ ὅπλων, ἀλλὰ καιρῶν, οἷσ καὶ τἆλλα πάντα σῴζεσθαι καὶ πάλιν ἀπόλλυσθαι πέφυκεν, ἡμερῶν τριάκοντα τῷ πολέμῳ δεδομένων, οὗ μείζονασ οὐδὲν ἐν ἐλάττονι χρόνῳ λαμβάνειν μεταβολάσ.

καίτοι τὸν χρόνον τοῦτον ὁ Μάρκιοσ οὐκ ἀργὸν διῆγεν, ἀλλὰ τοὺσ συμμάχουσ τῶν πολεμίων ἔφθειρεν ἐπιὼν καὶ περιέκοπτε καὶ πόλεισ ἑπτὰ μεγάλασ καὶ πολυανθρώπουσ ἔλαβεν.

οἱ δὲ Ῥωμαῖοι βοηθεῖν μὲν οὐκ ἐτόλμων, ἀλλ’ ὄκνου πλήρεισ ἦσαν αὐτῶν αἱ ψυχαί, καὶ τοῖσ ἐκνεναρκηκόσι κομιδῇ καὶ παραλελυμένοισ σώμασιν ὁμοίωσ διέκειντο πρὸσ τὸν πόλεμον. ἐπεὶ δ’ ὁ χρόνοσ διῆλθε καὶ παρῆν αὖθισ ὁ Μάρκιοσ μετὰ τῆσ δυνάμεωσ ἁπάσησ, ἐκπέμπουσι πρεσβείαν πάλιν τοῦ Μαρκίου δεησομένην ὑφέσθαι τῆσ ὀργῆσ καὶ τοὺσ Οὐολούσκουσ ἐκ τῆσ χώρασ ἀπαγαγόντα πράττειν καὶ λέγειν ὅ τι ἂν ἀμφοτέροισ οἰήται βέλτιον εἶναι·

φόβῳ μὲν γὰρ οὐδὲν ἐνδώσειν Ῥωμαίουσ, ἐὰν δέ τινοσ τῶν φιλανθρώπων οἰήται δεῖν τυχεῖν τοὺσ Οὐολούσκουσ, ἅπαν αὐτοῖσ γενήσεσθαι τὰ ὅπλα καταθεμένοισ. πρὸσ ταῦθ’ ὁ Μάρκιοσ ἔφη μηδὲν ὡσ Οὐολούσκων ἀποκρίνεσθαι στρατηγόσ, ὡσ δὲ Ῥωμαίων ἔτι πολίτησ παραινεῖν καὶ παρακαλεῖν μετριώτερα φρονήσαντασ ἐπὶ τοῖσ δικαίοισ ἥκειν πρὸσ αὐτὸν ἐν ἡμέραισ τρισίν, ἃ προκαλεῖται ψηφισαμένουσ·

εἰ δ’ ἕτερα δόξειε, γιγνώσκειν οὐκ οὖσαν αὐτοῖσ ἄδειαν αὖθισ μετὰ λόγων κενῶν βαδίζουσιν εἰσ τὸ στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 31

(플루타르코스, Lives, chapter 31)

상위

목록

SEARCH

MENU NAVIGATION