헬라어 문장 검색 - Πλυταρ́Λιϝεσ́12́

(플루타르코스, Lives, chapter 12)

παυσαμένῳ δὲ τῷ πολέμῳ τὴν στάσιν ἐπήγειρον αὖθισ οἱ δημαγωγοί, καινὴν μὲν οὐδεμίαν αἰτίαν ἔχοντεσ οὐδ’ ἔγκλημα δίκαιον, ἃ δὲ ταῖσ προτέραισ αὐτῶν διαφοραῖσ καὶ ταραχαῖσ ἀναγκαίωσ ἐπηκολούθησε κακά, ταῦτα ποιούμενοι πρόφασιν ἐπὶ τοὺσ πατρικίουσ, ἄσποροσ γὰρ ἡ πλείστη καὶ ἀγεώργητοσ ἀπελείφθη τῆσ χώρασ, ἀγορᾶσ δ’ ἐπεισάκτου παρασκευὴν διὰ τὸν πόλεμον ὁ καιρὸσ οὐκ ἔδωκεν. ἰσχυρᾶσ οὖν ἀπορίασ γενομένησ, ὁρῶντεσ οἱ δημαγωγοὶ μήτ’ ἀγορὰν ἔχοντα μήτ’, εἰ παρῆν ἀγορά, χρημάτων εὐποροῦντα τὸν δῆμον, ἐνέβαλλον λόγουσ καὶ διαβολὰσ κατὰ τῶν πλουσίων, ὡσ ἐκεῖνοι τὸν λιμὸν ἐπάγοιεν αὐτοῖσ ὑπὸ μνησικακίασ.

ἐκ δὲ τῶν Οὐελιτρανῶν ἧκε πρεσβεία τὴν πόλιν παραδιδόντων καὶ δεομένων ἀποίκουσ ἀποστέλλειν. νόσοσ γὰρ ἐμπεσοῦσα λοιμώδησ αὐτοῖσ τοσοῦτον ὄλεθρον καὶ φθορὰν ἀπειργάσατο τῶν ἀνθρώπων ὥστε μόλισ τὸ δέκατον τοῦ παντὸσ ἀπολειφθῆναι μέροσ. ἔδοξεν οὖν τοῖσ νοῦν ἔχουσιν εἰσ δέον γεγονέναι καὶ κατὰ καιρὸν ἡ χρεία τῶν Οὐελιτρανῶν διά τε τὴν ἀπορίαν κουφισμοῦ δεομένοισ, καὶ τὴν στάσιν ἅμα σκεδάσειν ἤλπιζον, εἰ τὸ θορυβοῦν μάλιστα καὶ συνεπηρμένον τοῖσ δημαγωγοῖσ ὥσπερ περίττωμα τῆσ πόλεωσ νοσερὸν καὶ ταραχῶδεσ ἀποκαθαρθείη.

τούτουσ τε δὴ καταλέγοντεσ εἰσ τὴν ἀποικίαν ἐξέπεμπον οἱ ὕπατοι, καὶ στρατείαν ἐπήγγελλον ἑτέροισ ἐπὶ τοὺσ Οὐολούσκουσ, ἀσχολίαν τε τῶν ἐμφυλίων μηχανώμενοι θορύβων, καὶ νομίζοντεσ ἐν ὅπλοισ καὶ στρατοπέδῳ καὶ κοινοῖσ ἀγῶσιν αὖθισ γενομένουσ πλουσίουσ ὁμοῦ καὶ πένητασ καὶ δημοτικοὺσ καὶ πατρικίουσ, ἡμερώτερον ἂν διατεθῆναι πρὸσ ἀλλήλουσ καὶ ἥδιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 12

(플루타르코스, Lives, chapter 12)

상위

목록

SEARCH

MENU NAVIGATION