헬라어 문장 검색 - Πλυταρ́Λιϝεσ́08́

(플루타르코스, Lives, chapter 8)

ἐν δὲ τῷ Οὐολούσκων ἔθνει, πρὸσ οὓσ ἐπολέμουν, ἡ Κοριολανῶν πόλισ ἀξίωμα μέγιστον εἶχε. ταύτην οὖν τοῦ ὑπάτου Κομινίου περιστρατοπεδεύσαντοσ, οἱ λοιποὶ Οὐολοῦσκοι δείσαντεσ ἐπὶ τοὺσ Ῥωμαίουσ συνεβοήθουν πανταχόθεν, ὡσ πρὸσ τῇ πόλει ποιησόμενοι μάχην καὶ διχόθεν ἐπιχειρήσοντεσ αὐτοῖσ. ἐπεὶ δ’ ὁ Κομίνιοσ διελὼν τὴν δύναμιν αὐτὸσ μὲν ἀπήντα τοῖσ ἔξωθεν ἐπιοῦσι τῶν Οὐολούσκων, Λάρκιον δὲ Τίτον, ἄνδρα Ῥωμαίων ἐν τοῖσ ἀρίστοισ, ἐπὶ τῆσ πολιορκίασ ἀπέλιπε, καταφρονήσαντεσ οἱ Κοριολανοὶ τῶν παρόντων ἐπεξῆλθον, καὶ προσμαχόμενοι τὸ πρῶτον ἐκράτουν καὶ κατεδίωκον εἰσ τὸν χάρακα τοὺσ Ῥωμαίουσ, ἔνθα δὴ Μάρκιοσ ἐκδραμὼν σὺν ὀλίγοισ καὶ καταβαλὼν τοὺσ προσμίξαντασ αὐτῷ μάλιστα, τοὺσ δ’ ἄλλουσ στήσασ ἐπιφερομένουσ, ἀνεκαλεῖτο μεγάλῃ βοῇ τοὺσ Ῥωμαίουσ, καὶ γὰρ ἦν, ὥσπερ ἠξίου τὸν στρατιώτην ὁ Κάτων, οὐ χειρὶ καὶ πληγῇ μόνον, ἀλλὰ καὶ τόνῳ φωνῆσ καὶ ὄψει προσώπου φοβερὸσ ἐντυχεῖν πολεμίῳ καὶ δυσυπόστατοσ.

ἀθροιζομένων δὲ πολλῶν καὶ συνισταμένων περὶ αὐτόν ἀπεχώρουν οἱ πολέμιοι δείσαντεσ.

ὁ δ’ οὐκ ἠγάπησεν, ἀλλ’ ἐπηκολούθει καὶ συνήλαυνεν ἤδη προτροπάδην φεύγοντασ ἄχρι τῶν πυλῶν.

ἐκεῖ δ’ ὁρῶν ἀποτρεπομένουσ τοῦ διώκειν τοὺσ Ῥωμαίουσ, πολλῶν μὲν ἀπὸ τοῦ τείχουσ βελῶν προσφερομένων, τὸ δὲ συνεισπεσεῖν τοῖσ φεύγουσιν εἰσ πόλιν ἀνδρῶν πολεμικῶν γέμουσαν ἐν τοῖσ ὅπλοισ ὄντων οὐδενὸσ εἰσ νοῦν ἐμβαλέσθαι τολμῶντοσ, ὅμωσ ἐπιστὰσ παρεκάλει καὶ παρεθάρρυνεν, ἀνεῷχθαι βοῶν ὑπὸ τῆσ τύχησ τοῖσ διώκουσι μᾶλλον ἢ τοῖσ φεύγουσι τὴν πόλιν. ἀναμεμιγμένοσ ὁμοῦ φίλοισ καὶ πολεμίοισ ἄπιστον ἀγῶνα λέγεται καὶ χειρὸσ ἔργοισ καὶ ποδῶν τάχει καὶ τολμήμασι ψυχῆσ ἀγωνιζόμενοσ ἐν τῇ πόλει, καὶ κρατῶν ἁπάντων πρὸσ οὓσ ὀρούσειε, τοὺσ μὲν ἐξῶσαι πρὸσ τὰ ἔσχατα μέρη, τῶν δ’ ἀπειπαμένων καὶ καταβαλόντων τὰ ὅπλα πολλὴν ἄδειαν τῷ Λαρκίῳ παρασχεῖν ἔξωθεν ἐπάγοντι τοὺσ Ῥωμαίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 8

(플루타르코스, Lives, chapter 8)

상위

목록

SEARCH

MENU NAVIGATION