헬라어 문장 검색 - Πλυταρ́Λιϝεσ́03́

(플루타르코스, Lives, chapter 3)

ἐστρατεύσατο δὲ πρώτην στρατείαν ἔτι μειράκιον, ὅτε Ταρκυνίῳ τῷ βασιλεύσαντι τῆσ Ῥώμησ, εἶτα ἐκπεσόντι, μετὰ πολλὰσ μάχασ καὶ ἥττασ ὥσπερ ἔσχατον κύβον ἀφιέντι πλεῖστοι μὲν Λατίνων, πολλοὶ δὲ καὶ τῶν ἄλλων Ἰταλιωτῶν συνελάμβανον καὶ συγκατῆγον ἐπὶ τὴν Ῥώμην, οὐκ ἐκείνῳ χαριζόμενοι μᾶλλον ἢ φόβῳ τὰ Ῥωμαίων αὐξόμενα καὶ φθόνῳ καταβάλλοντεσ. ἐν ταύτῃ τῇ μάχῃ πολλὰσ τροπὰσ ἐπ’ ἀμφότερα λαμβανούσῃ Μάρκιοσ ἀγωνιζόμενοσ εὐρώστωσ ἐν ὄψει τοῦ δικτάτοροσ, ἄνδρα Ῥωμαῖον πεσόντα πλησίον ἰδών οὐκ ἠμέλησεν, ἀλλ’ ἔστη πρὸ αὐτοῦ καὶ τὸν ἐπιφερόμενον τῶν πολεμίων ἀμυνόμενοσ ἀπέκτεινεν.

ὡσ οὖν ἐκράτησεν ὁ στρατηγόσ, ἐν πρώτοισ ἐκεῖνον ἐστεφάνωσε δρυὸσ στεφάνῳ. τοῦτον γὰρ ὁ νόμοσ τῷ πολίτην ὑπερασπίσαντι τὸν στέφανον ἀποδέδωκεν, εἴτε δὴ μάλιστα τιμήσασ δι’ Ἀρκάδασ τὴν δρῦν βαλανηφάγουσ ὑπὸ τοῦ θεοῦ χρησμῷ προσαγορευθέντασ, εἴτε ὡσ ταχὺ καὶ πανταχοῦ δρυὸσ οὖσαν εὐπορίαν στρατευομένοισ, εἴτε Διὸσ Πολιέωσ ἱερὸν ὄντα τὸν τῆσ δρυὸσ στέφανον οἰόμενοσ ἐπὶ σωτηρίᾳ πολίτου δίδοσθαι πρεπόντωσ.

ἔστι δὲ ἡ δρῦσ τῶν μὲν ἀγρίων καλλικαρπότατον, τῶν δὲ τιθασῶν ἰσχυρότατον. ἦν δὲ καὶ σιτίον ἀπ’ αὐτῆσ ἡ βάλανοσ καὶ ποτὸν τὸ μελίτειον, ὄψον δὲ παρεῖχε τὰ πλεῖστα τῶν νεμομένων τε καὶ πτηνῶν, θήρασ ὄργανον φέρουσα τὸν ἰξόν.

ἐν ἐκείνῃ δὲ τῇ μάχῃ καὶ τοὺσ Διοσκούρουσ ἐπιφανῆναι λέγουσι, καὶ μετὰ τὴν μάχην εὐθὺσ ὀφθῆναι ῥεομένοισ ἱδρῶτι τοῖσ ἵπποισ ἐν ἀγορᾷ τὴν νίκην ἀπαγγέλλοντασ, οὗ νῦν παρὰ τὴν κρήνην νεώσ ἐστιν αὐτοῖσ ἱδρυμένοσ, ὅθεν καὶ τὴν ἡμέραν ἐπινίκιον οὖσαν, ἐν τῷ Ιοὐλίῳ μηνὶ τὰσ εἰδούσ, Διοσκούροισ ἀνιερώκασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 3

(플루타르코스, Lives, chapter 3)

상위

목록

SEARCH

MENU NAVIGATION