헬라어 문장 검색 - Πλυταρ́Λιϝεσ́01́

(플루타르코스, Lives, chapter 1)

ὁ Μαρκίων οἶκοσ ἐν Ῥώμῃ τῶν πατρικίων πολλοὺσ παρέσχεν ἐνδόξουσ ἄνδρασ, ὧν καὶ Μάρκιοσ ἦν Ἄγκοσ, ὁ Νομᾶ θυγατριδοῦσ καὶ μετὰ Τύλλον Ὁστίλιον βασιλεὺσ γενόμενοσ. Μάρκιοι δ’ ἦσαν καὶ Πόπλιοσ καὶ Κόιντοσ οἱ πλεῖστον ὕδωρ καὶ κάλλιστον ἐν Ῥώμῃ καταγαγόντεσ, καὶ Κηνσωρῖνοσ, ὃν δὶσ ἀπέδειξε τιμητὴν ὁ Ῥωμαίων δῆμοσ, εἶτα ὑπ’ αὐτοῦ πεισθεὶσ ἐκείνου νόμον ἔθετο καὶ ἐψηφίσατο μηδενὶ τὴν ἀρχὴν δὶσ ἐξεῖναι μετελθεῖν. Γάιοσ δὲ Μάρκιοσ, ὑπὲρ οὗ τάδε γέγραπται, τραφεὶσ ὑπὸ μητρὶ χήρᾳ πατρὸσ ὀρφανόσ, ἀπέδειξε τὴν ὀρφανίαν ἄλλα μὲν ἔχουσαν κακά, πρὸσ δὲ τὸ γενέσθαι σπουδαῖον ἄνδρα καὶ διαφέροντα τῶν πολλῶν οὐδὲν ἐμποδὼν οὖσαν, ἄλλωσ δὲ τοῖσ φαύλοισ αἰτιᾶσθαι καὶ ψέγειν παρέχουσαν αὑτὴν ὡσ ἀμελείᾳ διαφθείρουσαν.

ὁ δ’ αὐτὸσ ἀνὴρ ἐμαρτύρησε καὶ τοῖσ τὴν φύσιν ἡγουμένοισ, ἐὰν οὖσα γενναία καὶ ἀγαθὴ παιδείασ ἐνδεὴσ γένηται, πολλὰ τοῖσ χρηστοῖσ ὁμοῦ φαῦλα συναποτίκτειν, ὥσπερ εὐγενῆ χώραν ἐν γεωργίᾳ θεραπείασ μὴ τυχοῦσαν. τὸ γὰρ ἰσχυρὸν αὐτοῦ πρὸσ ἅπαντα τῆσ γνώμησ καὶ καρτερὸν ὁρμάσ τε μεγάλασ καὶ τελεσιουργοὺσ τῶν καλῶν ἐξέφερε, θυμοῖσ τε αὖ πάλιν χρώμενον ἀκράτοισ καὶ φιλονεικίαισ ἀτρέπτοισ οὐ ῥᾴδιον οὐδ’ εὐάρμοστον ἀνθρώποισ συνεῖναι παρεῖχεν, ἀλλὰ τὴν ἐν ἡδοναῖσ καὶ πόνοισ καὶ ὑπὸ χρημάτων ἀπάθειαν αὐτοῦ θαυμάζοντεσ καὶ ὀνομάζοντεσ ἐγκράτειαν καὶ δικαιοσύνην καὶ ἀνδρείαν, ἐν ταῖσ πολιτικαῖσ αὖ πάλιν ὁμιλίαισ ὡσ ἐπαχθῆ καὶ ἄχαριν καὶ ὀλιγαρχικὴν ἐδυσχέραινον.

οὐδὲν γὰρ ἄλλο Μουσῶν εὐμενείασ ἀπολαύουσιν ἄνθρωποι τοσοῦτον ὅσον ἐξημερῶσαι τὴν φύσιν ὑπὸ λόγου καὶ παιδείασ, τῷ λόγῳ δεξαμένην τὸ μέτριον καὶ τὸ ἄγαν ἀποβαλοῦσαν.

ὅλωσ μὲν οὖν ἐν τοῖσ τότε χρόνοισ ἡ Ῥώμη μάλιστα τῆσ ἀρετῆσ τὸ περὶ τὰσ πολεμικὰσ καὶ στρατιωτικὰσ ἐκύδαινε πράξεισ, καὶ μαρτυρεῖ τὸ τὴν ἀρετὴν ὑπ’ αὐτῶν ἑνὶ τῷ τῆσ ἀνδρείασ ὀνόματι προσαγορεύεσθαι, καὶ τοῦτο τοῦ γένουσ ὄνομα κοινὸν ὑπάρχειν ᾧ τὴν ἀνδρείαν ἰδίᾳ καλοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 1

(플루타르코스, Lives, chapter 1)

상위

목록

SEARCH

MENU NAVIGATION