헬라어 문장 검색 - Πλυταρ́Ευμενεσ́16́

(플루타르코스, chapter 16)

ἐν τούτῳ δὲ τῆσ δυνάμεωσ περὶ τὸν Εὐμενῆ τὸ πλεῖστον ἠθροισμένον ἐθαύμαζε τὴν σύνεσιν αὐτοῦ, καὶ μόνον ἐκέλευεν ἄρχειν· ἐφ’ ᾧ λυπούμενοι καὶ φθονοῦντεσ οἱ τῶν ἀργυρασπίδων ἡγεμόνεσ, Ἀντιγένησ καὶ Τεύταμοσ, ἐπεβούλευον αὐτῷ, καὶ τοὺσ πλείστουσ τῶν τε σατραπῶν καὶ τῶν στρατηγῶν συναγαγόντεσ ἐβουλεύοντο πότε χρὴ καὶ πῶσ τὸν Εὐμενῆ διαφθεῖραι. συνδόξαν δὲ πᾶσιν ἀποχρήσασθαι πρὸσ τὴν μάχην αὐτῷ, μετὰ δὲ τὴν μάχην εὐθὺσ ἀνελεῖν Εὔδαμοσ ὁ τῶν ἐλεφάντων ἡγεμὼν καὶ Φαίδιμοσ ἐξαγγέλλουσι,’, κρύφα τῷ Εὐμενεῖ τὰ δεδογμένα, δι’ εὔνοιαν μὲν οὐδεμίαν ἢ χάριν, εὐλαβούμενοι δὲ μὴ τῶν χρημάτων, ἃ δεδανείκεσαν αὐτῷ, στερηθῶσιν.

εὐμενὴσ δὲ τούτουσ μὲν ἐπῄνεσεν, εἰσ δὲ τὴν σκηνὴν ἀπελθών καὶ πρὸσ τοὺσ φίλουσ εἰπὼν ὡσ ἐν πανηγύρει θηρίων ἀναστρέφοιτο, διαθήκασ ἔγραψε καὶ τὰ γραμματεῖα κατέσχισε καὶ διέφθειρεν, οὐ βουλόμενοσ αὐτοῦ τελευτήσαντοσ ἐκ τῶν ἀπορρήτων αἰτίασ καὶ συκοφαντήματα τοῖσ γράψασι γενέσθαι, ταῦτα διοικησάμενοσ ἐβουλεύετο τὴν νίκην παρεῖναι τοῖσ ἐναντίοισ, ἢ φυγὼν διὰ Μηδίασ καὶ Ἀρμενίασ ἐμβαλεῖν εἰσ Καππαδοκίαν. οὐδὲν δὲ κυρώσασ τῶν φίλων παρόντων, ἀλλ’ ἐπὶ πολλὰ τῇ γνώμῃ πολυτρόπῳ παρὰ τὰσ τύχασ οὔσῃ κινήσασ αὑτόν, ἐξέταττε τὴν δύναμιν, τοὺσ μὲν Ἕλληνασ καὶ τοὺσ βαρβάρουσ παρορμῶν, ὑπὸ δὲ τῆσ φάλαγγοσ καὶ τῶν ἀργυρασπίδων αὐτὸσ παρακαλούμενοσ θαρρεῖν, ὡσ οὐ δεξομένων τῶν πολεμίων, καὶ γὰρ ἦσαν οἱ πρεσβύτατοι τῶν περὶ Φίλιππον καὶ Ἀλέξανδρον, ὥσπερ ἀθληταὶ πολέμων ἀήττητοι καὶ ἀπτῶτεσ εἰσ ἐκεῖνο χρόνου, πολλοὶ μὲν ἑβδομήκοντα ἔτη γεγονότεσ, νεώτεροσ δὲ οὐδεὶσ ἑξηκονταετοῦσ.

διὸ καὶ τοῖσ περὶ τὸν Ἀντίγονον ἐπιόντεσ ἐβόων· "ἐπὶ τοὺσ πατέρασ ἁμαρτάνετε, ὦ κακαὶ κεφαλαί·

καὶ μετ’ ὀργῆσ ἐμπεσόντεσ ὅλην ὁμοῦ τὴν φάλαγγα συνέτριψαν, οὐδενὸσ ὑποστάντοσ αὐτούσ, τῶν δὲ πλείστων ἐν χερσὶ διαφθαρέντων. ταύτῃ μὲν οὖν ὁ Ἀντίγονοσ ἡττᾶτο κατὰ κράτοσ, τοῖσ δὲ ἱππεῦσιν ἐπεκράτει·

τοῦ δὲ Πευκέστου παντάπασιν ἐκλελυμένωσ καὶ ἀγεννῶσ ἀγωνισαμένου καὶ τὴν ἀποσκευὴν ἔλαβε πᾶσαν, αὑτῷ τε νήφοντι χρησάμενοσ παρὰ τὰ δεινὰ καὶ τοῦ τόπου συνεργοῦντοσ. ἀχανὲσ γὰρ ἦν τὸ πεδίον, οὔτε βαθύτερον οὔτε ἀπόκροτον καὶ στερεόν, ἀλλὰ θινῶδεσ καὶ μεστὸν ἁλμυρίδοσ αὐχμηρᾶσ, ἢ τοσούτων μὲν ἵππων τοσούτων δὲ ἀνθρώπων ξαινομένη δρόμοισ ὑπὸ τὸν τῆσ μάχησ καιρόν ἐξήνθει κόνιν ὥσπερ ἄσβεστον, ἀπολευκαίνουσαν τὸν ἀέρα καὶ τὰσ ὄψεισ διαθολοῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 16

(플루타르코스, chapter 16)

상위

목록

SEARCH

MENU NAVIGATION