Plutarch, chapter 13 6:

αἰσθόμενοσ δὲ ὁ Εὐμενὴσ αὐτοὺσ ἀλλήλων μὲν καταφρονοῦντασ, αὐτὸν δὲ φοβουμένουσ καὶ παραφυλάττοντασ ἀνελεῖν, εἰ γένοιτο καιρόσ, ἐσκήψατο χρημάτων δεῖσθαι καὶ συνεδανείσατο τάλαντα πολλὰ παρὰ τῶν μάλιστα μισούντων αὐτόν, ἵνα καὶ πιστεύωσι καὶ ἀπέχωνται περὶ τῶν δανείων ἀγωνιῶντεσ· ὥστε συνέβη τὸν ἀλλότριον πλοῦτον αὐτῷ φύλακα τοῦ σώματοσ ἔχειν, καὶ τῶν ἄλλων ἐπὶ σωτηρίᾳ διδόντων, μόνον ἐκ τοῦ λαβεῖν κτήσασθαι τὴν ἀσφάλειαν.