Plutarch, chapter 13 2:

περὶ δὲ τούτων καὶ Ἀντιγένει καὶ Τευτάμῳ τοῖσ τῶν ἀργυρασπίδων ἡγουμένοισ ἐγεγράφεισαν. ἐπεὶ δὲ λαβόντεσ ἐκεῖνοι τὰ γράμματα τῷ μὲν λόγῳ φιλανθρώπωσ ἐδέξαντο τὸν Εὐμενῆ, φθόνου δὲ καὶ φιλονεικίασ ἐφαίνοντο μεστοί, δευτερεύειν ἀπαξιοῦντεσ ἐκείνῳ, τὸν μὲν φθόνον ὁ Εὐμενὴσ ἐθεράπευε τῷ τὰ χρήματα μὴ λαβεῖν ὡσ οὐδὲν δεόμενοσ, ταῖσ δὲ φιλονεικίαισ καὶ φιλαρχίαισ αὐτῶν μήτε ἡγεῖσθαι δυναμένων μήτε ἕπεσθαι βουλομένων ἐπῆγε δεισιδαιμονίαν.