Plutarch, chapter 10 3:

ὅμωσ δὲ πέμψαντοσ τοῦ Ἀντιγόνου τὸν ἀδελφιδοῦν Πτολεμαῖον εἰσ τὸ χωρίον, ὥσπερ ἠξίωσεν ὁ Εὐμενήσ, κατέβη, καὶ περιβαλόντεσ ἀλλήλουσ ἠσπάσαντο φιλικῶσ καὶ οἰκείωσ, ἅτε δὴ ἀλλήλοισ κεχρημένοι πολλὰ καὶ συνήθεισ γεγονότεσ. λόγων δὲ γενομένων πολλῶν καὶ τοῦ Εὐμενοῦσ οὐχ ὑπὲρ ἀσφαλείασ μεμνημένου καὶ διαλύσεωσ, ἀλλὰ καὶ τὰσ σατραπείασ ἀξιοῦντοσ αὑτῷ βεβαιοῦσθαι καὶ τὰσ δωρεὰσ ἀποδίδοσθαι, θαῦμα τοὺσ παρόντασ εἶχε τὸ φρόνημα καὶ τὴν εὐτολμίαν ἀγαμένουσ.