Plutarch, chapter 7 4:

πεσόντα δὲ αὑτὸν οἱ μὲν ἄλλοι παρήλασαν ἀγνοοῦντεσ, Γοργίασ δὲ τῶν Εὐμενοῦσ στρατηγῶν ἔγνω τε καὶ καταβὰσ περιέστησε φρουρὰν τῷ σώματι κακῶσ ἤδη διακειμένου καὶ δυσθανατοῦντοσ. ἐν τούτῳ δὲ καὶ Νεοπτόλεμοσ Εὐμενεῖ συνήρχετο. μισοῦντεσ γὰρ ἀλλήλουσ πάλαι καὶ δι’ ὀργῆσ ἔχοντεσ ἐν μὲν δυσὶν ἀναστροφαῖσ οὐ κατεῖδον, ἐν δὲ τῇ τρίτῃ γνωρίσαντεσ εὐθὺσ ἤλαυνον, σπασάμενοι τὰ ἐγχειρίδια καὶ βοῶντεσ.