헬라어 문장 검색 - Πλυταρ́Ευμενεσ́07́

(플루타르코스, chapter 7)

ἀντέταξε δὲ Κρατερῷ Μακεδόνων μὲν οὐδένα, δύο δὲ ἱππαρχίασ ξενικάσ, ὧν Φαρνάβαζοσ ὁ Ἀρταβάζου καὶ Φοῖνιξ ὁ Τενέδιοσ ἡγοῦντο, διακελευσάμενοσ ὀφθέντων τῶν πολεμίων ἐλαύνειν κατὰ τάχοσ καὶ συμπλέκεσθαι, μὴ διδόντασ ἀναστροφὴν μηδὲ φωνὴν, μηδὲ κήρυκα πεμπόμενον προσιεμένουσ. ἐδεδίει γὰρ ἰσχυρῶσ τοὺσ Μακεδόνασ, μὴ γνωρίσαντεσ τὸν Κρατερὸν οἴχωνται μεταβαλόμενοι πρὸσ ἐκεῖνον. αὐτὸσ δὲ τοὺσ ἐρρωμενεστάτουσ ἱππεῖσ τριακοσίουσ εἰσ ἄγημα συντάξασ καὶ παρελάσασ ἐπὶ τὸ δεξιόν ἔμελλε τοῖσ περὶ Νεοπτόλεμον ἐπιχειρεῖν.

ὡσ δὲ τὸν ἐν μέσῳ λόφον ὑπερβαλόντεσ ὤφθησαν ὀξεῖαν καὶ μεθ’ ὁρμῆσ σφοδροτέρασ ποιούμενοι τὴν ἔφοδον, ἐκπλαγεὶσ ὁ Κρατερὸσ καὶ πολλὰ λοιδορήσασ τὸν Νεοπτόλεμον ὡσ ἐξηπατημένοσ ὑπ’ αὐτοῦ περὶ τῆσ τῶν Μακεδόνων μεταβολῆσ, ἐγκελευσάμενοσ ἀνδραγαθεῖν τοῖσ περὶ αὑτὸν ἡγεμόσιν ἀντεξήλασε. γενομένησ δὲ τῆσ πρώτησ συρράξεωσ βαρείασ καὶ τῶν δοράτων ταχὺ συντριβέντων, τοῦ δὲ ἀγῶνοσ ἐν τοῖσ ξίφεσιν ὄντοσ, οὐ καταισχύνασ ὁ Κρατερὸσ τὸν Ἀλέξανδρον, ἀλλὰ πολλοὺσ μὲν καταβαλών, πολλάκισ δὲ τρεψάμενοσ τοὺσ ἀντιτεταγμένουσ, τέλοσ δὲ πληγεὶσ ὑπὸ Θρᾳκὸσ ἐκ πλαγίων προσελάσαντοσ ἀπερρύη τοῦ ἵππου.

πεσόντα δὲ αὑτὸν οἱ μὲν ἄλλοι παρήλασαν ἀγνοοῦντεσ, Γοργίασ δὲ τῶν Εὐμενοῦσ στρατηγῶν ἔγνω τε καὶ καταβὰσ περιέστησε φρουρὰν τῷ σώματι κακῶσ ἤδη διακειμένου καὶ δυσθανατοῦντοσ.

ἐν τούτῳ δὲ καὶ Νεοπτόλεμοσ Εὐμενεῖ συνήρχετο. μισοῦντεσ γὰρ ἀλλήλουσ πάλαι καὶ δι’ ὀργῆσ ἔχοντεσ ἐν μὲν δυσὶν ἀναστροφαῖσ οὐ κατεῖδον, ἐν δὲ τῇ τρίτῃ γνωρίσαντεσ εὐθὺσ ἤλαυνον, σπασάμενοι τὰ ἐγχειρίδια καὶ βοῶντεσ. τῶν δὲ ἵππων ἐξ ἐναντίασ βίᾳ συμπεσόντων ὥσπερ τριήρων, τὰσ ἡνίασ ἀφέντεσ ἀλλήλων ἐπεδράξαντο ταῖσ χερσί, τά τε κράνη περισπῶντεσ καὶ περιρρηγνύντεσ ἐκ τῶν ἐπωμίδων τοὺσ θώρακασ, πρὸσ δὲ τὸν σπαραγμὸν ὑπεκδραμόντων ἅμα τῶν ἵππων, ἀπορρυέντεσ εἰσ γῆν καὶ περιπεσόντεσ ἀλλήλοισ ἐν λαβαῖσ ἦσαν καὶ διεπάλαιον.

εἶτα ὁ μὲν Εὐμενὴσ τοῦ Νεοπτολέμου προεξανισταμένου τὴν ἰγνύαν ὑπέκοψεν αὐτὸσ εἰσ ὀρθὸν φθάσασ καταστῆναι, ὁ δὲ Νεοπτόλεμοσ εἰσ θάτερον ἐρεισάμενοσ γόνυ, θάτερον δὲ πεπηρωμένοσ, ἠμύνετο μὲν εὐρώστωσ κάτωθεν, οὐ θανασίμουσ δὲ πληγὰσ ὑποφέρων, πληγεὶσ δὲ παρὰ τὸν τράχηλον ἔπεσε καὶ παρείθη.

τοῦ δὲ Εὐμενοῦσ δι’ ὀργὴν καὶ μῖσοσ παλαιὸν τά τε ὅπλα περισπῶντοσ αὐτοῦ καὶ κακῶσ λέγοντοσ, ἔτι τὸ ξίφοσ ἔχων ἔλαθεν ὑπὸ τὸν θώρακα τρώσασ, ᾗ παρέψαυσε τοὑ βουβῶνοσ ἀποβάσ.

ἡ δὲ πληγὴ μᾶλλον ἐφόβησεν ἢ ἔβλαψε τὸν Εὐμενῆ, δι’ ἀσθένειαν ἀμυδρὰ γενομένη. πυθόμενοσ δὲ τὴν Κρατεροῦ τελευτὴν καὶ προσελάσασ, ὡσ εἶδεν ἐμπνέοντα καὶ συνιέντα, καταβὰσ ἀπεδάκρυσε καὶ τὴν δεξιὰν ἐνέβαλε, καὶ πολλὰ μὲν ἐλοιδόρησε τὸν Νεοπτόλεμον, πολλὰ δὲ ἐκεῖνον μὲν ᾠκτίσατο τῆσ τύχησ, αὑτὸν δὲ τῆσ ἀνάγκησ, δι’ ἣν ἀνδρὶ φίλῳ καὶ συνήθει ταῦτα πεισόμενοσ ἢ δράσων συνηνέχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 7

(플루타르코스, chapter 7)

상위

목록

SEARCH

MENU NAVIGATION