헬라어 문장 검색 - Πλυταρ́Ευμενεσ́02́

(플루타르코스, chapter 2)

οὐ μὴν ἀλλὰ καὶ προσέκρουσε πολλάκισ Ἀλεξάνδρῳ, καὶ παρεκινδύνευσε δι’ Ἡφαιστίωνα, πρῶτον μὲν γὰρ Εὐϊῴ τῷ αὐλητῇ τοῦ Ἡφαιστίωνοσ οἰκίαν κατανείμαντοσ ἣν οἱ παῖδεσ ἔτυχον τῷ Εὐμενεῖ προκατειληφότεσ, ἐλθὼν ὑπὸ ὀργῆσ πρὸσ τὸν Ἀλέξανδρον ὁ Εὐμενὴσ ἐβόα μετὰ Μέντοροσ ὡσ αὐλεῖν εἰή κράτιστον ἢ τραγῳδεῖν τὰ ὅπλα ῥίψαντασ ἐκ τῶν χειρῶν, ὥστε Ἀλέξανδρον αὐτῷ συναγανακτεῖν καὶ λοιδορεῖσθαι τῷ Ἡφαιστίωνι. ταχὺ μέντοι μεταπεσὼν αὖθισ εἶχε τὸν Εὐμενῆ δι’ ὀργῆσ, ὡσ ὕβρει μᾶλλον πρὸσ ἑαυτὸν ἢ παρρησίᾳ πρὸσ Ἡφαιστίωνα χρησάμενον.

ἔπειτα Νέαρχον ἐκπέμπων με̣ τὰ νεῶν ἐπὶ τὴν ἔξω θάλασσαν ᾔτει χρήματα τοὺσ φίλουσ· οὐ γὰρ ἦν ἐν τῷ βασιλείῳ. τοῦ δ’ Εὐμενοῦσ αἰτηθέντοσ μὲν τριακόσια τάλαντα, δόντοσ δὲ ἑκατὸν μόνα, καὶ ταῦτα γχίσχρωσ καὶ μόλισ αὐτῷ συνειλέχθαι διὰ τῶν ἐπιτρόπων φάσκοντοσ, οὐδὲν ἐγκαλέσασ οὐδὲ δεξάμενοσ ἐκέλευσε τοὺσ παῖδασ κρύφα τῇ σκηνῇ τοῦ Εὐμενοῦσ πῦρ ἐνεῖναι, βουλόμενοσ ἐκκομιζομένων τῶν χρημάτων λαβεῖν ἐπ’ αὐτοφώρῳ ψευδόμενον. ἔφθη δὲ ἡ σκηνὴ καταφλεχθεῖσα, καὶ μετενόησε τῶν γραμμάτων διαφθαρέντων ὁ Ἀλέξανδροσ, τὸ δὲ συγχυθὲν χρυσίον καὶ ἀργύριον ὑπὸ τοῦ πυρὸσ ἀνευρέθη πλεῖον ἣ χιλίων ταλάντων, ἔλαβε δὲ οὐδέν, ἀλλὰ καὶ γράψασ τοῖσ πανταχοῦ σατράπαισ καὶ στρατηγοῖσ ἀντίγραφα τῶν διεφθαρμένων ἀποστέλλειν πάντα παραλαμβάνειν ἐκέλευσε τὸν Εὐμενῆ.

πάλιν δὲ περὶ δωρεᾶσ τινοσ εἰσ διαφορὰν καταστὰσ πρὸσ τὸν Ἡφαιστίωνα, καὶ πολλὰ μὲν ἀκούσασ κακῶσ, πολλὰ δὲ εἰπών, τότε μὲν οὐκ ἔλαττον ἔσχε·

μετ’ ὀλίγον δὲ τελευτήσαντοσ Ἡφαιστίωνοσ περιπαθῶν ὁ βασιλεύσ καὶ πᾶσιν οὓσ ἐδόκει ζῶντι μὲν ἐκείνῳ φθονεῖν ἐπιχαίρειν δὲ τεθνηκότι τραχέωσ ὁμιλῶν καὶ χαλεπὸσ ὢν, μάλιστα τὸν Εὐμενῆ δι’ ὑποψίασ εἶχε, καὶ προὔφερε πολλάκισ τὰσ διαφορὰσ καὶ λοιδορίασ ἐκείνασ. ὁ δὲ πανοῦργοσ ὢν καὶ πιθανόσ ἐπεχείρησεν οἷσ ἀπώλλυτο σῴζειν ἑαυτόν, κατέφυγε γὰρ εἰσ τὴν πρὸσ Ἡφαιστίωνα φιλοτιμίαν Ἀλεξάνδρου καὶ χάριν, ὑφηγούμενόσ τε τιμὰσ αἳ μάλιστα κοσμεῖν ἔμελλον τὸν τεθνηκότα, καὶ χρήματα τελῶν εἰσ τὴν τοῦ τάφου κατασκευὴν ἀφειδῶσ καὶ προθύμωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 2

(플루타르코스, chapter 2)

상위

목록

SEARCH

MENU NAVIGATION