헬라어 문장 검색 - Πλυταρ́Δεμοστή27́

(플루타르코스, Demosthenes, chapter 27)

ἀλλὰ γὰρ ἔτι φεύγοντοσ αὐτοῦ τὴν εἰρημένην φυγήν Ἀλέξανδροσ μὲν ἐτελεύτησε, τὰ δ’ Ἑλληνικὰ συνίσταντο πάλιν, Λεωσθένουσ ἀνδραγαθοῦντοσ καί περιτειχίζοντοσ Ἀντίπατρον ἐν Λαμίᾳ πολιορκούμενον. Πυθέασ μὲν οὖν ὁ ῥήτωρ καί Καλλιμέδων ὁ Κάραβοσ ἐξ Ἀθηνῶν φεύγοντεσ Ἀντιπάτρῳ προσεγένοντο, καί μετὰ τῶν ἐκείνου φίλων καί πρέσβεων περιιόντεσ οὐκ εἰών ἀφίστασθαι τοὺσ Ἕλληνασ οὐδὲ προσέχειν τοῖσ Ἀθηναίοισ·

Δημοσθένησ δὲ τοῖσ ἐξ ἄστεοσ πρεσβεύουσι προσμίξασ ἑαυτὸν ἠγωνίζετο καί συνέπραττεν ὅπωσ αἱ πόλεισ συνεπιθήσονται τοῖσ Μακεδόσι καί συνεκβαλοῦσιν αὐτοὺσ τῆσ Ἑλλάδοσ. ἐν δ’ Ἀρκαδίᾳ καί λοιδορίαν τοῦ Πυθέου καὶ τοῦ Δημοσθένουσ γενέσθαι πρὸσ ἀλλήλουσ εἴρηκεν ὁ Φύλαρχοσ ἐν ἐκκλησίᾳ, τοῦ μὲν ὑπὲρ τῶν Μακεδόνων, τοῦ δ’ ὑπὲρ τῶν Ἑλλήνων λέγοντοσ, λέγεται δὲ τὸν μὲν Πυθέαν εἰπεῖν ὅτι, καθάπερ οἰκίαν εἰσ ἣν ὄνειον εἰσφέρεται γάλα, κακόν τι πάντωσ ἔχειν νομίζομεν, οὕτω καί πόλιν ἀνάγκη νοσεῖν εἰσ ἣν Ἀθηναίων πρεσβεία παραγίνεται·

τὸν δὲ Δημοσθένη στρέψαι τὸ παράδειγμα, φήσαντα καί τὸ γάλα τὸ ὄνειον ἐφ’ ὑγιείᾳ καί τοὺσ Ἀθηναίουσ ἐπὶ σωτηρίᾳ παραγίνεσθαι τῶν νοσούντων.

ἐφ’ οἷσ ἡσθεὶσ ὁ τῶν Ἀθηναίων δῆμοσ ψηφίζεται τῷ Δημοσθένει κάθοδον. τὸ μὲν οὖν ψήφισμα Δήμων ὁ Παιανιεύσ, ἀνεψιὸσ ὢν Δημοσθένουσ, εἰσήνεγκεν· ἐπέμφθη δὲ τριήρησ ἐπ’ αὐτὸν εἰσ Αἴγιναν. ἐκ δὲ Πειραιῶσ ἀνέβαινεν οὔτε ἄρχοντοσ οὔτε ἱερέωσ ἀπολειφθέντοσ, ἀλλὰ καί τῶν ἄλλων πολιτῶν ὁμοῦ πάντων ἀπαντώντων καί δεχομένων προθύμωσ.

ὅτε καί φησιν αὐτὸν ὁ Μάγνησ Δημήτριοσ ἀνατείναντα τὰσ χεῖρασ μακαρίσαι τῆσ ἡμέρασ ἐκείνησ αὑτόν, ὡσ βέλτιον Ἀλκιβιάδου κατιόντα· πεπεισμένουσ γάρ, οὐ βεβιασμένουσ, ὑπ’ αὐτοῦ δέχεσθαι τοὺσ πολίτασ. τῆσ δὲ χρηματικῆσ ζημίασ αὐτῷ μενούσησ οὐ γὰρ ἐξῆν χάριτι λῦσαι καταδίκην ἐσοφίσαντο πρὸσ τὸν νόμον.

εἰωθότεσ γὰρ ἐν τῇ θυσίᾳ τοῦ Διὸσ τοῦ Σωτῆροσ ἀργύριον τελεῖν τοῖσ κατασκευάζουσι καί κοσμοῦσι τὸν βωμόν, ἐκείνῳ τότε ταῦτα ποιῆσαι καί παρασχεῖν πεντήκοντα ταλάντων ἐξέδωκαν, ὅσον ἦν τίμημα τῆσ καταδίκησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 27

(플루타르코스, Demosthenes, chapter 27)

상위

목록

SEARCH

MENU NAVIGATION