헬라어 문장 검색 - Πλυταρ́Δεμοστή09́

(플루타르코스, Demosthenes, chapter 9)

πόθεν οὖν, φαίη τισ ἄν, ὁ Αἰσχίνησ πρὸσ τὴν ἐν τοῖσ λόγοισ τόλμαν θαυμασιώτατον ἀπεκάλει τὸν ἄνδρα; καὶ ἀναγινώσκοντοσ Ὀλυμπίασι, παραστὰσ καὶ διεξελθὼν μεθ’ ἱστορίασ καὶ ἀποδείξεωσ ὅσα Θηβαίοισ καὶ Χαλκιδεῦσιν ὑπάρχει καλὰ πρὸσ τὴν Ἑλλάδα, καὶ πάλιν ὅσων αἴτιοι γεγόνασι κακῶν οἱ κολακεύοντεσ Μακεδόνασ, οὕτωσ ἐπέστρεψε τοὺσ παρόντασ ὥστε δείσαντα τῷ θορύβῳ τὸν σοφιστὴν ὑπεκδῦναι τῆσ πανηγύρεωσ;

ἀλλ’ ἐοίκεν ὁ ἀνὴρ τοῦ Περικλέουσ τὰ μέν ἄλλα μὴ πρὸσ αὑτὸν ἡγήσασθαι, τὸ δὲ πλάσμα καὶ τὸν σχηματισμὸν αὐτοῦ καὶ τὸ μὴ ταχέωσ μηδὲ περὶ παντὸσ ἐκ τοῦ παρισταμένου λέγειν, ὥσπερ ἐκ τούτων μεγάλου γεγονότοσ, ζηλῶν καὶ μιμούμενοσ, οὐ πάνυ προσίεσθαι τὴν ἐν τῷ καιρῷ δόξαν, οὐδ’ ἐπὶ τύχῃ πολλάκισ ἑκὼν εἶναι ποιεῖσθαι τὴν δύναμιν.

ἐπεὶ τόλμαν γε καὶ θάρσοσ οἱ λεχθέντεσ ὑπ’ αὐτοῦ λόγοι τῶν γραφέντων μᾶλλον εἶχον, εἴ τι δεῖ πιστεύειν Ἐρατοσθένει καὶ Δημητρίῳ τῷ Φαληρεῖ καὶ τοῖσ κωμικοῖσ.

ὧν Ἐρατοσθένησ μέν φησὶν αὑτὸν ἐν τοῖσ λόγοισ πολλαχοῦ γεγονέναι παράβακχον, ὁ δὲ Φαληρεὺσ τὸν ἔμμετρον ἐκεῖνον ὁρ́κον ὀμόσαι ποτὲ πρὸσ τὸν δῆμον ὥσπερ ἐνθουσιῶντα μὰ γῆν, μὰ κρήνασ, μὰ ποταμούσ, μὰ νάματα. τῶν δὲ κωμικῶν ὁ μέν τισ αὑτὸν ἀποκαλεῖ ῥωποπερπερήθραν, ὁ δὲ παρασκώπτων ὡσ χρώμενον τῷ ἀντιθέτῳ φησὶν οὕτωσ·

α. ἀπέλαβεν ὥσπερ ἔλαβεν. β. ἠγάπησεν ἂν τὸ ῥῆμα τοῦτο παραλαβὼν Δημοσθένησ. ἐκτὸσ εἰ μὴ νὴ Δία πρὸσ τὸν ὑπὲρ Ἁλοννήσου λόγον ὁ Ἀντιφάνησ καὶ τουτὶ πέπαιχεν, ἣν Ἀθηναίοισ Δημοσθένησ συνεβούλευε μὴ λαμβάνειν, ἀλλ’ ἀπολαμβάνειν παρὰ Φιλίππου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 9

(플루타르코스, Demosthenes, chapter 9)

상위

목록

SEARCH

MENU NAVIGATION