Plutarch, De faciae quae in orbe lunae apparet, section 15

(플루타르코스, De faciae quae in orbe lunae apparet, section 15)

"ὥσπερ εἰκὸσ ἔχειν καὶ τὸν κόσμον, εἴ γε δὴ ζῷὸν ἐστι, πολλαχοῦ γῆν ἔχοντα, πολλαχοῦ δὲ πῦρ καὶ ὕδωρ καὶ πνεῦμα, οὐκ ἐξ ἀνάγκησ ἀποτεθλιμμένον ἀλλὰ λόγῳ διακεκοσμημένον. "οὐδὲ γὰρ ὀφθαλμὸσ ἐνταῦθα τοῦ σώματόσ; "ἐστιν ὑπὸ κουφότητοσ ἐκπιεσθείσ, οὐδ’ ἡ καρδία τῷ βάρει ὀλισθοῦσα πέπτωκεν εἰσ τὸ στῆθοσ, ἀλλ’ ὅτι βέλτιον ἦν οὕτωσ ἑκάτερον τετάχθαι. "μὴ τοίνυν μηδὲ τῶν τοῦ κόσμου μερῶν νομίζωμεν μήτε γῆν ἐνταῦθα κεῖσθαι συμπεσοῦσαν διὰ βάροσ μήτε τὸν ἣλιον, ὡσ ᾤετο Μητρόδωροσ ὁ Χῖοσ, εἰσ τὴν ἄνω χώραν ἀσκοῦ δίκην ὑπὸ κουφότητοσ ἐκτεθλῖφθαι, μήτε τοὺσ ἄλλουσ ἀστέρασ ὥσπερ ἐν ζυγοστάθμου διαφορᾷ ῥέψαντασ, ἐν οἷσ εἰσι, γεγονέναι τόποισ· "ἀλλὰ τοῦ κατὰ λόγον κρατοῦντοσ, οἱ μὲν ὥσπερ ὄμματα φωσφόρα τῷ προσώπῳ τοῦ παντὸσ ἐνδεδεμένοι περιπολοῦσιν, ἥλιοσ δὲ καρδίασ ἔχων δύναμιν ὥσπερ αἷμα καὶ πνεῦμα διαπέμπει καὶ διασκεδάννυσιν ἐξ ἑαυτοῦ θερμότητα καὶ φῶσ· "γῇ δὲ καὶ θαλάσσῃ χρῆται κατὰ φύσιν ὁ κόσμοσ ὅσα κοιλίᾳ καὶ κύστει ζῷον. "σελήνη δ’ ἡλίου μεταξὺ καὶ γῆσ, ὥσπερ καρδίασ καὶ κοιλίασ ἧπαρ ἤ τι μαλθακὸν ἄλλο σπλάγχνον ἐγκειμένη τὴν τ’ ἄνωθεν ἀλέαν ἐνταῦθα διαπέμπει καὶ τὰσ ἐντεῦθεν ἀναθυμιάσεισ πέψει τινὶ καὶ καθάρσει λεπτύνουσα περὶ ἑαυτὴν ἀναδίδωσιν εἰ δὲ καὶ πρὸσ ἄλλα τὸ γεῶδεσ αὐτῆσ καὶ στερέμνιον ἔχει τινὰ πρόσφορον χρείαν, ἄδηλον ἡμῖν. ἐν παντὶ δὲ κρατεῖ τὸ βέλτιον τοῦ κατηναγκασμένου. "τί γὰρ οὕτω λάβωμεν, ἐξ ὧν ἐκεῖνοι λέγουσι, τὸ εἰκόσ; "λέγουσι δὲ τοῦ αἰθέροσ τὸ μὲν αὐγοειδὲσ καὶ λεπτὸν ὑπὸ μανότητοσ οὐρανὸν γεγονέναι, τὸ δὲ πυκνωθὲν καὶ συνειληθὲν ἄστρα· "τούτων δὲ τὸ νωθρότατον εἶναι τὴν σελήνην καὶ θολερώτατον. "ἀλλ’ ὅμωσ ὁρᾶν πάρεστιν οὐκ ἀποκεκριμένην τοῦ αἰθέροσ τὴν σελήνην, ἀλλ’ ἔτι πολλῷ μὲν τῷ περὶ, αὐτὴν ἐμφερομένην, πολλὴν δ’ ὑφ’ ἑαυτὴν ἔχουσαν ἀνέμων δινεῖσθαι καὶ κομήτασ. "οὕτωσ οὐ ταῖσ ῥοπαῖσ σεσήκωται κατὰ βάροσ καὶ κουφότητα τῶν σωμάτων ἕκαστον, ἀλλ’ ἑτέρῳ λόγῳ κεκόσμηται.

일치하는 문장이 없습니다.

SEARCH

MENU NAVIGATION