Plutarch, De faciae quae in orbe lunae apparet, section 22

(플루타르코스, De faciae quae in orbe lunae apparet, section 22)

"τῆσ Σελήνησ, δυνατὸν εἶναι δοκεῖ ὑμῖν ῥηγμάτων τινῶν ἢ φαράγγων εἶναι σκιὰσ κἀκεῖθεν ἀφικνεῖσθαι δεῦρο πρὸσ τὴν ὄψιν, ἢ τὸ συμβαῖνον οὐ λογίζεσθε κἀγὼ τουτὶ εἴπω; "ἀκούοιτε δὲ καίπερ οὐκ ἀγνοοῦντεσ. "ἡ μὲν διάμετροσ τῆσ σελήνησ δυοκαίδεκα δακτύλουσ ἔχει τὸ φαινόμενον ἐν τοῖσ μέσοισ ἀποστήμασι μέγεθοσ. "τῶν δὲ μελάνων καὶ σκιερῶν ἕκαστον ἡμιδακτυλίου φαίνεται μεῖζον, ὥστε τῆσ διαμέτρου μεῖζον ἢ εἰκοστοτέταρτον εἶναι. "καὶ μήν, εἰ μόνων ὑποθοίμεθα τὴν περίμετρον τῆσ σελήνησ τρισμυρίων σταδίων μυρίων δὲ τὴν διάμετρον, κατὰ τὸ ὑποκείμενον οὐκ ἔλαττον ἂν εἰή πεντακοσίων σταδίων ἐν αὐτῇ τῶν σκιερῶν ἕκαστον. "ὅτι τοιαύτην ἐξεύρηκασ ἀπόδειξιν, ὦ Ἀπολλωνίδη, δι’ ἧσ κἀμὲ καὶ σαυτὸν ἀποδείξεισ τῶν Ἀλωαδῶν ἐκείνων εἶναι μείζονασ οὐκ ἐν ἅπαντι μέντοι χρόνῳ τῆσ ἡμέρασ ἀλλὰ πρωῒ μάλιστα καὶ δείλησ, εἰ οἰεί, τὰσ σκιὰσ ἡμῶν τοῦ ἡλίου ποιοῦντοσ ἠλιβάτουσ, τὸν καλὸν τοῦτ’ αἰσθήσει παρέχειν συλλογισμόν, ὡσ, εἰ μέγα τὸ σκιαζόμενον, ὑπερμέγεθεσ τὸ σκιάζον.

"ἐν Λήμνῳ μὲν οὐδέτεροσ ἡμῶν εὖ οἶδ’ ὅτι γέγονε, τουτὶ μέντοι τὸ τεθρυλημένον ἰαμβεῖον ἀμφότεροι πολλάκισ ἀκηκόαμεν Ἄθωσ καλύψει πλευρὰ Λημνίασ βοόσ· "ἐπιβάλλει γὰρ ἡ σκιὰ τοῦ ὄρουσ, ὡσ ἐοίκε, χαλκῷ τινι βοιδίῳ, μῆκοσ ἀποτείνουσα διὰ τῆσ θαλάττησ οὐκ ἔλαττον ἑπτακοσίων σταδίων, τὸ κατασκιάζον ὕψοσ εἶναι διὰ τὴν αἰτίαν ὅτι πολλαπλασίουσ αἱ τοῦ φωτὸσ ἀποστάσεισ τῶν σωμάτων τὰσ σκιὰσ ποιοῦσι. "δεῦρο δὴ θεῶ καὶ τῆσ σελήνησ, ὅτε πάμμηνόσ ἐστι καὶ μάλιστα τὴν ἰδέαν ἔναρθρον τοῦ προσώπου βαθύτητι τῆσ σκιᾶσ ἀποδίδωσι, τὸ μέγιστον ἀπέχοντα διάστημα τὸν ἥλιον ἡ γὰρ ἀπόστασισ τοῦ φωτὸσ αὕτη τὴν σκιὰν μεγάλην, οὐ τὰ μεγέθη τῶν ὑπὲρ τὴν σελήνην ἀνωμαλιῶν , πεποίηκε. "καὶ μὴν οὐδὲ τῶν ὀρῶν τὰσ ὑπεροχὰσ ἐῶσι μεθ’ ἡμέραν αἱ περιαυγαὶ τοῦ ἡλίου καθορᾶσθαι, τὰ μέντοι βαθέα καὶ κοῖλα φαίνεται καὶ σκιώδη πόρρωθεν. "οὐδὲν οὖν ἄτοπον, εἰ· "καὶ τῆσ σελήνησ τὴν ἀντίληψιν καὶ τὸν ἐπιφωτισμὸν οὐκ ἔστι καθορᾶν ἀκριβῶσ, αἱ δὲ τῶν σκιερῶν παραθέσεισ παρὰ τὰ λαμπρὰ τῇ διαφορᾷ τὴν ὄψιν οὐ λανθάνουσιν.

일치하는 문장이 없습니다.

SEARCH

MENU NAVIGATION