Plutarch, De faciae quae in orbe lunae apparet, section 5 1:

(플루타르코스, De faciae quae in orbe lunae apparet, section 5 1:)

"ὦ Λεύκιε, τὴν ἀτοπίαν εὐφήμοισ περιαμπέχεισ ὀνόμασιν· "οὐχ οὕτω δ’ ὁ ἑταῖροσ ἡμῶν, ἀλλ’, ὅπερ ἀληθὲσ ἦν, ἔλεγεν ὑπωπιάζειν · "αὐτοὺσ τὴν σελήνην, σπίλων καὶ μελασμῶν ἀναπιμπλάντασ, ὁμοῦ μὲν Ἄρτεμιν καὶ Ἀθηνᾶν ἀνακαλοῦντασ, ὁμοῦ δὲ σύμμιγμα καὶ φύραμα ποιοῦντασ ἀέροσ ζοφεροῦ καὶ πυρὸσ ἀνθρακώδουσ, οὐκ ἔχουσαν ἔξαψιν οὐδ’ αὐγὴν οἰκείαν, ἀλλὰ δυσκρινέσ τι σῶμα, τυφόμενον ἀεὶ καὶ πυρίκαυστον ὥσπερ τῶν κεραυνῶν τοὺσ ἀλαμπεῖσ καὶ ψολόεντασ ὑπὸ τῶν ποιητῶν προσαγορευομένουσ. "ὅτι μέντοι πῦρ ἀνθρακῶδεσ, οἱο͂ν οὗτοι τὸ τῆσ σελήνησ ποιοῦσιν, οὐκ ἔχει διαμονὴν οὐδὲ σύστασιν ὅλωσ, ἐὰν μὴ στερεᾶσ ὕλησ καὶ στεγούσησ ἅμα καὶ τρεφούσησ ἐπιλάβηται, βέλτιον οἶμαι συνορᾶν ἐνίων φιλοσόφων τοὺσ ἐν παιδιᾷ λέγοντασ τὸν Ἥφαιστον εἰρῆσθαι χωλόν, ὅτι τὸ πῦρ ξύλων χωρὶσ ὥσπερ οἱ χωλοὶ βακτηρίασ οὐ πρόεισιν. "εἰ οὖν ἡ σελήνη πῦρ, ἐστι, πόθεν αὐτῇ τοσοῦτοσ ἐγγέγονεν ἀήρ; "ὁ γὰρ ἄνω καὶ κύκλῳ φερόμενοσ οὑτοσὶ τόποσ οὐκ ἀέροσ, ἀλλὰ κρείττονοσ οὐσίασ καὶ πάντα λεπτύνειν καὶ συνεξάπτειν φύσιν ἐχούσησ ἐστίν· "εἰ δ’ ἐγγέγονε, πῶσ οὐκ οἴχεται μεταβάλλων εἰσ ἕτερον εἶδοσ ὑπὸ τοῦ πυρὸσ ἐξαιθερωθείσ, ἀλλὰ σῴζεται καὶ συνοικεῖ πυρὶ τοσοῦτον χρόνον, ὥσπερ ἧλοσ ἀραρὼσ τοῖσ αὐτοῖσ ἀεὶ μέρεσι καὶ συγγεγομφωμένοσ; "ἀραιῷ μὲν γὰρ ὄντι καὶ συγκεχυμένῳ μὴ μένειν ἀλλὰ σφάλλεσθαι προσήκει· "συμπεπηγέναι δ’ οὐ δυνατὸν ἀναμεμιγμένον πυρὶ καὶ μήτε ὑγροῦ μετέχοντα μήτε γῆσ, οἷσ μόνοισ ἀὴρ συμπήγνυσθαι πέφυκεν ἡ δὲ ῥύμη καὶ τὸν ἐν λίθοισ ἀέρα καὶ τὸν ἐν ψυχρῷ μολίβδῳ συνεκκάει, μήτι γε δὴ τὸν ἐν πυρὶ δινούμενον μετὰ τάχουσ τοσούτου. "καὶ γὰρ Ἐμπεδοκλεῖ δυσκολαίνουσι, πάγον ἀέροσ χαλαζώδη ποιοῦντι τὴν σελήνην ὑπὸ τῆσ τοῦ πυρὸσ σφαίρασ περιεχόμενον αὐτοὶ δὲ τὴν σελήνην σφαῖραν οὖσαν πυρὸσ ἀέρα φασὶν ἄλλον ἄλλῃ διεσπασμένον περιέχειν, καὶ ταῦτα μήτε ῥήξεισ ἔχουσαν ἐν ἑαυτῇ μήτε βάθη καὶ κοιλότητασ, ἅπερ οἱ γεώδη ποιοῦντεσ ἀπολείπουσιν; "ἀλλ’ ἐπιπολῆσ δηλονότι τῇ κυρτότητι ἐπικείμενον. "τοῦτο δ’ ἐστὶ καὶ πρὸσ διαμονὴν ἄλογον καὶ πρὸσ θέαν ἀδύνατον ἐν ταῖσ πανσελήνοισ · "διωρίσθαι γὰρ οὐκ ἔδει μέλαν καὶ σκιερόν, ἀλλ’ ἀμαυροῦσθαι κρυπτόμενον ἢ συνεκλάμπειν, ὑπὸ τοῦ ἡλίου καταλαμβανομένησ τῆσ σελήνησ. "καὶ γὰρ παρ’ ἡμῖν ὁ μὲν ἐν βάθεσι καὶ κοιλώμασι τῆσ γῆσ, οὗ μὴ δίεισιν αὐγή, διαμένει σκιώδησ καὶ ἀφώτιστοσ· "ὁ δ’ ἔξωθεν τῇ γῇ περικεχυμένοσ φέγγοσ ἴσχει καὶ χρόαν αὐγοειδῆ· "πρὸσ πᾶσαν μὲν γάρ ἐστι ποιότητα καὶ δύναμιν εὐκέραστοσ ὑπὸ μανότητοσ, μάλιστα δὲ φωτὸσ ἂν ἐπιψαύσῃ μόνον, ὥσ φατε, καὶ θίγῃ, δι’ ὅλου· "τρεπόμενοσ ἐκφωτίζεται. "ταὐτὸν οὖν τοῦτο κεἰ τοῖσ εἰσ βάθη τινὰ καὶ φάραγγασ συνωθοῦσιν · "ἐν τῇ σελήνῃ τὸν ἀέρα παγκάλωσ ἐοίκε βοηθεῖν, ὑμᾶσ γε διεξελέγχει τοὺσ ἐξ ἀέροσ καὶ πυρὸσ οὐκ οἶδ’ ὅπωσ μιγνύντασ αὐτῆσ καὶ συναρμόζοντασ τὴν σφαῖραν· "οὐ γὰρ οἱο͂́ν τε λείπεσθαι σκιὰν ἐπὶ τῆσ ἐπιφανείασ, ὅταν ὁ ἥλιοσ ἐπιλάμπῃ τῷ φωτὶ πᾶν, ὁπόσον καὶ ἡμεῖσ ἀποτεμνόμεθα τῇ ὄψει τῆσ σελήνησ.

일치하는 문장이 없습니다.

SEARCH

MENU NAVIGATION