헬라어 문장 검색 - Πλυταρ́Δεξυριό06́

(플루타르코스, De curiositate, section 6)

ἀλλ’ ἐοίκεν ἡ πολυπραγμοσύνη μὴ χαίρειν ἑώλοισ κακοῖσ ἀλλὰ θερμοῖσ καὶ προσφάτοισ· καὶ καινὰσ τραγῳδίασ ἡδέωσ θεᾶσθαι, τοῖσ δὲ κωμικοῖσ καὶ ἱλαρωτέροισ πράγμασιν οὐ μάλα προθύμωσ ὁμιλεῖν. διὸ γάμον μέν τινοσ ἢ θυσίαν ἢ προπομπὴν διεξιόντοσ ἀμελὴσ ὁ πολυπράγμων καὶ ῥᾴθυμοσ ἀκροατήσ ἐστι, καὶ προακηκοέναι τὰ πλεῖστά φησι καὶ κελεύει ταῦτα συντέμνειν καὶ παρέρχεσθαι τὸν διηγούμενον ἂν δ’ ἢ φθοράν τισ παρθένου παρακαθήμενοσ ἢ μοιχείαν γυναικὸσ ἢ δίκησ παρασκευὴν ἢ στάσιν ἀδελφῶν διηγῆται, οὔτε νυστάζει οὔτ’ ἀσχολεῖται ἄλλα τε δίζηται ἐπέων παρὰ τ’ οὐάτα βάλλει. καὶ τὸ οἴμοι, τὸ κακὸν τῆσ εὐτυχίασ ὡσ μᾶλλον ἐσ οὖσ φέρεται θνητῶν ἐπὶ τῶν πολυπραγμόνων ἐστὶν ἀληθῶσ εἰρημένον. ὡσ γὰρ αἱ σικύαι τὸ χείριστον ἐκ τῆσ σαρκὸσ ἕλκουσιν, οὕτω τὰ τῶν πολυπραγμόνων ὦτα τοὺσ φαυλοτάτουσ λόγουσ ἐπισπᾶται.

μᾶλλον δ’, ὥσπερ αἱ πόλεισ ἔχουσί τινασ πύλασ ἀποφράδασ καὶ σκυθρωπάσ, δι’ ὧν ἐξάγουσι τοὺσ θανατουμένουσ καὶ τὰ λύματα καὶ τοὺσ καθαρμοὺσ ἐκβάλλουσιν, εὐαγὲσ δ’ οὐδὲν οὐδ’ ἱερὸν εἴσεισι οὐδ’ ἔξεισι δι’ αὐτῶν οὕτω καὶ τὰ τῶν πολυπραγμόνων ὦτα χρηστὸν οὐδὲν οὐδ’ ἀστεῖον ἀλλ’ οἱ φονικοὶ λόγοι διέρχονται καὶ τρίβουσιν ἐν, ἐκθύσιμα καὶ μιαρὰ διηγήματα παρακομίζοντεσ. ἀεὶ δ’ ἀοιδῶν μοῦνοσ ἐν στέγαισ ἐμαῖσ κωκυτὸσ ἐμπέπτωκεν· τοῦθ’ ἥδιστον ἀκουσμάτων αὐτοῖσ.

ἔστι γὰρ ἡ πολυπραγμοσύνη φιλοπευστία τῶν ἐν ἀποκρύψει καὶ λανθανόντων· οὐδεὶσ δ’ ἀγαθὸν ἀποκρύπτει κεκτημένοσ, ὅπου καὶ τὰ μὴ ὄντα προσποιοῦνται. κακῶν οὖν ἱστορίασ ὁ πολυπράγμων ὀρεγόμενοσ, ἐπιχαιρεκακίασ συνέχεται πάθει, φθόνου καὶ βασκανίασ ἀδελφῷ. φθόνοσ μὲν γάρ ἐστι λύπη ἐπ’ ἀλλοτρίοισ ἀγαθοῖσ, ἐπιχαιρεκακία δ’ ἡδονὴ ἐπ’ ἀλλοτρίοισ κακοῖσ· ἀμφότερα δ’ ἐκ πάθουσ ἀνημέρου καὶ θηριώδουσ γεγένηται τῆσ κακοηθείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 6

(플루타르코스, De curiositate, section 6)

상위

목록

SEARCH

MENU NAVIGATION