Plato, Republic, book 2 79:

ἀλλ’ ὅμωσ, εἰ μέλλομεν εὐδαιμονήσειν, ταύτῃ ἰτέον, ὡσ τὰ ἴχνη τῶν λόγων φέρει. ἐπὶ γὰρ τὸ λανθάνειν συνωμοσίασ τε καὶ ἑταιρίασ συνάξομεν, εἰσίν τε πειθοῦσ διδάσκαλοι σοφίαν δημηγορικήν τε καὶ δικανικὴν διδόντεσ, ἐξ ὧν τὰ μὲν πείσομεν, τὰ δὲ βιασόμεθα, ὡσ πλεονεκτοῦντεσ δίκην μὴ διδόναι. "ἀλλὰ δὴ θεοὺσ οὔτε λανθάνειν οὔτε βιάσασθαι δυνατόν. " οὐκοῦν, εἰ μὲν μὴ εἰσὶν ἢ μηδὲν αὐτοῖσ τῶν ἀνθρωπίνων μέλει, τί καὶ ἡμῖν μελητέον τοῦ λανθάνειν;