Plato, Republic, book 10 431:

μετὰ πολλῶν, καὶ ἀφικνεῖσθαι σφᾶσ εἰσ τόπον τινὰ δαιμόνιον, ἐν ᾧ τῆσ τε γῆσ δύ’ εἶναι χάσματα ἐχομένω ἀλλήλοιν καὶ τοῦ οὐρανοῦ αὖ ἐν τῷ ἄνω ἄλλα καταντικρύ. δικαστὰσ δὲ μεταξὺ τούτων καθῆσθαι, οὕσ, ἐπειδὴ διαδικάσειαν, τοὺσ μὲν δικαίουσ κελεύειν πορεύεσθαι τὴν εἰσ δεξιάν τε καὶ ἄνω διὰ τοῦ οὐρανοῦ, σημεῖα περιάψαντασ τῶν δεδικασμένων ἐν τῷ πρόσθεν, τοὺσ δὲ ἀδίκουσ τὴν εἰσ ἀριστεράν τε καὶ κάτω, ἔχοντασ καὶ τούτουσ ἐν τῷ ὄπισθεν σημεῖα πάντων ὧν ἔπραξαν.